Թմրանյութը պահել էին ուրիշի տանը․ Արտաշատի համայնքային ոստիկանների երկու բացահայտում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արտաշատի համայնքային ոստիկանները օպերատիվ տեղեկություններ էին ստացել, որ Արարատի մարզի Ոստան գյուղում 42-ամյա կինը գոմում ապօրինի պահում է թմրանյութ, որը պատկանում է ընկերոջը։

Ձեռնարկված միջոցառումների արդյունքում պարզվել է, որ 34-ամյա ընկերն է օրեր առաջ այցելել և գոմում պահել թմրանյութը։

42-ամյա կնոջ մայրը իրավապահներին ներկայացրել է մոտ 50 գրամ կանեփանման բույսի ճյուղերով փաթեթ և ստվարաթղթե արկղ՝ լցված մոտ 68 գրամ չորացված-մանրացված կանեփանման զանգվածով։

Արտաշատի համայնքային ոստիկանների հաջորդ բացահայտումը Նշանավան բնակավայրում էր։

Ստացվել էին օպերատիվ տեղեկություններ, որ Մխչյան գյուղի բնակիչ 41-ամյա տղամարդը

Նշանավանում ապօրինի պահում է թմրանյութ։

Օպերատիվ-հետախուզական միջոցառումների ընթացքում ոստիկաններն այցելել են նշված հասցե: Տանտերերը իրավապահներին են ներկայացրել չորացված կանեփանման զանգվածով 2 փաթեթ՝ ընդհանուր ավելի քան 21 գրամ։

Մխչյանցի տղամարդը ձերբակալվել և տեղափոխվել է Համայնքային ոստիկանության Արտաշատի բաժին, որտեղ և խոստովանել է, որ հայտնաբերված զանգվածներն իրենն են` անձնական օգտագործման համար։

Երկու դեպքով էլ նախաձեռնվել է քրեական վարույթ։

Հանգամանքները պարզվում են։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 Հետևեք մեզ՝ այստեղ