Եթե քո շրջապատը ասում է՝ դու ամենաճիշտն ես, մի պահ գալիս է, որ դու էլ ես դրան հավատում. Աղազարյանը՝ Փաշինյանի մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՀԱՊԿ-ի հետ կապված Հայաստանի դիրքորոշումը շատ ճիշտ է եղել: Այս մասին NEWS.am-ի հետ զրույցում նշեց ՔՊ խմբակցությունից հեռացած ԱԺ պատգամավոր Հովիկ Աղազարյանը:

Հարցին՝ պետք է դո՞ւրս գալ ՀԱՊԿ-ից, նա պատասխանեց. «Այն, ինչ որ արվում է հիմա, ճիշտ է: Թե դուրս կգանք, թե չէ, ես չգիտեմ, կամ երբ դուրս կգանք: Բայց այն, որ ՀԱՊԿ-ը չի կատարել իր պարտականությունները, բնականաբար, ռեակցիաները պետք է լինի այդպիսին: Բայց ՀԱՊԿ-ից բացի մենք ունենք ռազմավարական դաշնակցային հարաբերություններ Ռուսաստանի հետ, այդտեղ ՞ինչ ենք անելու»,-ասաց նա:

Խոսելով ներքին քաղաքականության մասին, Հովիկ Աղազարյանն ասաց, որ Կոռուպցիայի կանխարգելման հանձնաժողովը պետք է տրվի ընդդիմությանը, Հաշվեքնիչ պալատը՝ եւս: «Այսինքն, Կոռուպցիայի կանխարգելման հանձնաժողովում կառավարող ուժը պետք է ունենա մեկ անդամ, մնացածը պետք է լինեն ընդդիմության նշանակած մարդիկ: Ոչ թե Ազգային ժողովը նրանց հաստատի, այլ պետք է տալ ընդդիմությանը, իրենք ում կնշանակեն՝ թող նշանակեն։ Եվ նախագահն էլ է լինում ընդդիմության ներկայացուցիչը։ Այդ դեպքում այդ հանձնաժողովը դառնում է ընդդիմության ձեռքին գործիք, որպեսզի նաեւ իշխանական շրջանակներում հայտնաբերի կոռուպցիոն դրսևորումները, ի ցույց դնի աշխարհին և հայ ժողովրդին, ասի՝ տեսեք, ընտրել եք այս քաղաքական ուժին, իրենց մոտ կան այս կոռուպցիոն դրսևորումները, հետևաբար իրենք փիսն են, մյուս անգամ մեզ կընտրեք:

Մյուս կողմից կառավարող ուժի ներկայացուցիչները իրենց ախորժակները շատ անգամ զսպում են:

Բայց եթե դու գալիս ես իշխանության և այդ հանձնաժողովը վերցնում ես քո ձեռքը, միգուցե դու ես օգտագործում դա որպես գործիք, որ քո կողմնակիցների առաջ կանաչ լույս,ես վառում, մյուսներին՝ կարմիր լույս: Եթե դու ուզում ես կոռուպցիայի դեմ պայքարել, և կոռուպցիայի կանխագահման հանձնաժողովը քոնն է, դու անկեղծ չես»,-ասաց նա՝ հավելելով, որ այս դրույթը որեւէ կուսակցության ծրագրում չկա:

Աղազարյանը նկատեց, որ իշխանության մեջ իրեն անհանգստացրել է այն հանգամանքը, որ այն մարդիկ՝  պատգամավորներ, նախարարներ, վարչության անդամներ, որոնք իրենց վրա պիտի պատասխանատվություն վերցնեին այս կամ այն հարցի հետ կապված, իրենց դիրքերից նահանջել են և ամեն ինչը թողել են վարչապետի վրա. «Վարչապետը հիմա, ուզած, թե չուզած, բոլոր որոշումները գրեթե ինքն է կայացնում, ամբողջ պատասխանատվությունն ընկել է իր վրա, իսկ մի մարդ չի կարող միշտ ճիշտ լինել։ Երբ որ ողջ պատասխանատվությունը իր վրա է, ինքը մի հատ սխալ թույլ կտա ինչ-որ ժամանակահատվածում, և սխալը կարող է լինի ճակատագրական: Ես շատ պայքարել եմ դրա դեմ, որպեսզի այդ բանը տեղի չունենա, բայց չհաջողեցի:

Յուրաքանչյուր մարդու մոտ սաղմնային վիճակում կան բոլոր որակները՝ հրեշի, դիկտատրի, հերոսի, դավաճանի: Հիմա, եթե քո շրջապատը միշտ ասում է, որ դու ամենաճիշտն ես, մի պահ գալիս է, որ դու էլ ես հավատում, որ դու արդեն ամենաճիշտն ես, և շատ ես կարևորում այն հանգամանքը, որ դու ծնվել ես, և եթե դու ծնված չլինեիր, ո՞նց կլիներ այս ազգի վիճակը»,-ասաց նա:

 Հետևեք մեզ՝ այստեղ