Հայտնի Ֆուտբոլիստների 10 տարօրինակ ավտոմեքենաները

Նույնիսկ ոչ ամենաուժեղ ակումբներում պրոֆեսիոնալ ֆուտբոլիստների աշխատավարձերը զգալի չափով տարբերվում են  իրենց երկրում գոյություն ունեցող միջին աշխատավարձերից: Եվ յուրաքանչյուր ֆուտբոլիստ մյուսներից տարբերվում է յուրովի, մեկը որոշում է հագնվել ամենաթանկ բրենդային խանութներից, մեկ ուրիշը շքեղ տներ է կառուցում, որոշներն էլ ձեռք են բերում ավտոմեքենաներ, որոնք ոչ միշտ են շքեղ ու թանկ լինում: Ներկայացնենք հայտնի ֆուտբոլիստների 10 ամենատարօրինակ ավտոմեքենաները

Զլատան Իբրահիմովիչ

Իբրահիմովիչը հայտնի է իր ավտոմեքենաների հավաքածուով, որի ադամանդը դարձավ Ferrari Enzo-ն, թողարկված Ferrari-ի կողմից 2002-2004 թվականներին: 1 միլիոն դոլար արժողությամբ մեքենայից թողարկվել էր ընդհամենը 399 հատ, և այդ 399 երջանիկ սեփականատերերից մեկն էլ դարձավ Զլատան Իբրահիմովիչը:

Դեվիդ Ջեյմս

Իսկ Դեվիդ Ջեյմսն, ի տարբերություն Զլատան Իբրահիմովիչի, իր փոխադրամիջոցին ոչ այնքան լուրջ է վերաբերվում: Ավելին, ֆուտբոլիստը երկար ժամանակ ընդհանրապես վարել չգիտեր, և որպեսզի սովորի, նրան տրամադրել են Robin Reliant երեք ականի մեքենան, որը թողարկվում էր դեռ 70-ականներին: Նկարից դատելով, իրեն՝ Ջեյմսին, դա այնքան էլ չի հուզում:

Ուեյն Ռունի

Չմտածեք, որ այս ոչ այնքան շքեղ Ford Ka-ն ֆուտբոլիստի միակ ավտոմեքենան է: Ռունին մեքենաների մի ամբողջ հավաքածու ունի, և չնայած նրան, որ ֆուտբոլիստը կարող է ձեռք բերել մեծ քանակությամբ այլ շքեղ մեքենաներ, իր համեստ Ֆորդից նա միտք չունի ազատվելու:

Էլ Խաջի Դիուֆ

Սենեգալցի Էլ Խաջի Դիուֆը ոչ միայն իր էքստրավագանտ արտաքինով է տարբերվում, նա նաև այդպիսին է դարձրել իր մեքենան: Շքեղ Cadillac Escalade-ը ձեռք բերելուց հետո, ֆուտբոլիստը որոշեց ոսկեջրել այն, որպեսզի դեռ հեռվից նկատելի լինի, թե ում մեքենան է դա:

Դեվիդ Բեքհեմ

Դեվիդ Բեքհեմի մեքենաների հավաքածուում բազմաթիվ նմուշներ կան, բայց դրանցից մեկը առանձնանաում է: Ամերիկա տեղափոխվելուց հետո ֆուտբոլիստը ձեռք բերեց այնպիսի ավտոմեքենա, որի արտաքինն ուղղակի ճչում է իր ամերիկյան ծագման մասին: Hummer-ի փոխարեն անգլիացին ընտրեց Jeep Wrangler, ոչ այնքան ընտանեկան ավտոմեքենան:

Թոմաս Վերմալեն

Ռոբին վան Պերսին դեռ Արսենալում խաղալու տարիներին մի քանի անգամ առաջարկեց Թոմաս Վերմալենին փոխել ավտոմեքենան, բայց վերջինս չհամաձայնեց: Չնայած, որ իր ունեցած NissanFigaro-ն ոչ այնքան տպավորիչ տեսք ունի, այն հետաքրքիր պատմություն ունի: Այս մեքենան թողարկվում էր 1991 թվականին միայն Ճապոնիայում, բայց բելգիացին ժամանակ և միջոցներ գտավ՝ գտնելու դրանից Բրիտանիայում:

Ջիբրիլ Սիսե

Ջիբրիլ Սիսեն շատ է սիրում թանկ ավտոմեքենաներ և իր աղջկան: Հենց դրա համար էլ իր մեքենաներից մեկի առաջնամասում տպագրել է իր աղջկա նկարը: Շատ հուզիչ է դա, թե տարօրինակ՝ ինքներդ որոշեք: Նշենք նաև, որ Սիսեի հավաքածուում տարօրինակ մեքենաները շատ են:

Նուրի Շահինը՝ որդու հետ

Նուրի Շահինի ավտոմեքենայի մեջ ոչ մի տարօրինակ բան չկա՝ այո, Մերսեդես մակնիշի ավտոմեքենա է, այո, ոչ այնքան էժան: Բորուսիայի կիսապաշտպանը ավելի հեռու է գնացել՝ ձեռք բերելով իր մեքենայի գրեթե նույն պատճենը միայն թե փոքր չափսերով: Սա արել է նրա համար, որ իր որդին փոքր հասակից սովորի "ճիշտ" ավտոմեքենաներ ընտրել:

Սթիվեն Այրլենդ

Միգուցե Այրլենդը ֆուտբոլում այնքան էլ աստղ չի, բայց ինչ վերաբերում է նրա մեքենաներին, այստեղ նա շատերի մեջ առաջատար է: Օրինակ՝ ձեռք բերելով Range Rover, մեքենայի գույներին ավելացրել է մի քիչ վարդագույն և ահա ինչ հետքրքիր է ստացվել: Ափսոս, չի հաջողվել պարզել որևէ փաստ, որը Այրլենդին կկապեր էմոների հետ, այնպես որ սա կհամարենք ուղղակի քմահաճույք:

Մարիո Բալոտելի

Իհարկե, այս ցուցակում չէր կարող չլինել Բալոտելին: Իտալացին սիրում է ծախսել իր գումարները ավտոմեքենաների վրա, որոնք աննախանձելի հաճախականությամբ պատահարների մեջ են ընկնում: Նրա հավաքածուում գլխավոր է համարվում զինվորական թեմայով ներկված Բենթլին, որն արատացոլում է ֆուտբոլիստի կռվարար էությունը: