«Ինչու՞ ապրել Հայաստանում» հարցը գուցե անիմաստ լիներ, եթե արտագաղթն ու ծնելիության նվազումն անհանգստացնող չլինեին. ՀայաՔվե
ԲԼՈԳ
Հիասթափված, արդարությունն ու անվտանգությունը երկրից դուրս փնտրող մեր հայրենակիցներն իսկապես կարիք ունեն ստանալու «ինչու՞ ապրել Հայաստանում» հարցի խոր ու անկեղծ պատասխանը։
2020թ․ սեպտեմբերի 22-ին Փաշինյանը hայտարարեց, որ իր որդեգրած ռազմավարությամբ` Հայաստանի բնակչությունը 2050 թվականին կկազմի առնվազն 5 միլիոն մարդ։
•Տրված խոստումն այն ժամանակ գնահատելու համար կարելի էր թվաբանական մի պարզ գործողություն անել․ 2050 թվականին 5 միլիոնի հասնելը պիտի ենթադրեր, որ 30 տարում երկու միլիոնով, այսինքն տարեկան միջինը 67 հազարով պետք է ավելանար Հայաստանի բնակչությունը։
Իսկ եթե նույն հաշվարկը այժմվանից անենք, ապա 5 միլիոնին հասնելը կնշանակի բնակչության ավելացում տարեկան միջինը 80 հազար մարդով, այսինքն յուրաքանչյուր տարի կառուցել մի Վանաձոր քաղաք, ինչը տարեկան կպահանջի 10-ից 12 մլրդ դոլար:
