Կառավարության շենքի մոտից երեք անձ բերման է ենթարկվել
ՔԱՂԱՔԱԿԱՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կառավարության շենքի մոտից բերման ենթարկված անձանց թիվը 3 է։ Այդ մասին MediaHub-ին հայտնում են ՆԳՆ Ոստիկանությունից։
Հիշեցնենք, որ քիչ առաջ Կառավարության շենքի մոտ բողոքի ակցիա իրականացնող քաղաքացիների և ոստիկանների միջև բախում էր տեղի ունեցել։ Տեղում աշխատող լրագրողները հայտնում էին, որ միջադեպից հետո քաղաքացիներ են բերման ենթարկվել։
«3 անձ է բերման ենթարկվել՝ Վարչական իրավախախտումների վերաբերյալ օրենսգրքի 182-րդ հոդվածով նախատեսված արարք կատարելու համար»,- նշեց ՆԳՆ մամուլի քարտուղար Նարեկ Սարգսյանը։
Նշենք, որ վերոնշյալ հոդվածը ենթադրում է՝ իր լիազորությունների շրջանակում ստուգումներ իրականացնելու իրավասությամբ օժտված պետական մարմնի հրամանով կամ հանձնարարագրով ստուգում իրականացնող պաշտոնատար անձի օրինական պահանջները չկատարելը կամ տնտեսավարող սուբյեկտի ստուգվող ստորաբաժանում նրա մուտք գործելն արգելելը կամ ստուգման նպատակներին անմիջականորեն առնչվող փաստաթղթեր, տվյալներ և այլ տեղեկություններ նրան չտրամադրելը կամ օրենքով սահմանված կարգով իրականացվող ստուգումների ընթացքին այլ կերպ խոչընդոտելը կամ կապարակնքված կամ այլ կերպ կնքված տարածքների կամ գույքի պահպանությունը չապահովելը` առաջացնում է տուգանքի նշանակում` քաղաքացիների նկատմամբ` սահմանված նվազագույն աշխատավարձի հարյուրապատիկի չափով, իսկ պաշտոնատար անձանց նկատմամբ` 250-ապատիկի չափով:
Հետևեք մեզ՝ այստեղ