«Արծվի թևեր»-ի հարևանությամբ բախվել են «BMW»-ն, «Mercedes»-ն ու «Nissan»-ը. կան վիրավորներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր՝ հունվարի 31-ին, խոշոր ավտովթար է տեղի ունեցել Կոտայքի մարզում։ Ժամը 20:25-ի սահմաններում Երևան-Սևան-Իջևան ավտոճանապարհի 13 կմ հատվածում՝ «Արծվի թևեր»-ի հարևանությամբ, բախվել են Կոտայքի մարզի բնակիչ 30-ամյա Արամայիս Բ.-ի վարած «Mercedes», Երևանի բնակիչ 46-ամյա Կարինե Ա.-ի վարած «Nissan» և Երևանի բնակիչ 31-ամյա Գևորգ Ս.-ի վարած «BMW» մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի հոսպիտալացվել են տարբեր հիվանդանոցներ։

Պարեկների այսքան շատ ժամանման պատճառը նրանում էր, քանի որ վթարի հետևանքով ավտոմեքենաները հայտնվել էին ճանապարհի մեջտեղում, ինչի համար մինչ պարեկների ժամանումը ստեղծվել էր մոտ 1.5 կմ-անոց խցանում, սակայն պարեկների ժամանումից կարճ ժամանակ անց երթևեկությունը կարգավորվեց։

Դեպքի վայր են ժամանել նաև ՀՀ ՆԳՆ Ոստիկանության համայնքային ոստիկանության գլխավոր վարչության Կոտայքի բաժնի հերթապահ խումբը՝ բաժնի պետի տեղակալ Արսեն Սարգսյանի գլխավորությամբ։

Վթարի մասին ոստիկանության Կոտայքի բաժնից տեղեկությունը փոխանցել են ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժին, որտեղից ժամանել է քննչական խումբը՝ հատկապես կարևոր գործերով ավագ քննիչներ Գրիգոր Դալլաքյանի և Տիգրան Բաղյանի գլխավորությամբ։

Վթարի փաստով Աբովյանի քննչական բաժնում նախաձեռնվել է քրեական վարույթ։

Քննիչի հանձնարարականով ավտոմեքենաները տեղափոխվում են ոստիկանության Կոտայքի բաժնի պահպանվող հատուկ տարածք։
 

 Հետևեք մեզ՝ այստեղ