Լևոն Զուրաբյանն առաջարկում է ԵԽԽՎ-ում հակահայկական զեկույցների վերաբերյալ խորհրդարանական լսումներ հրավիրել

 Ազգային ժողովի ՀԱԿ խմբակցության ղեկավար, ԵԽԽՎ հայաստանյան պատվիրակության անդամ Լևոն Զուրաբյանն առաջարկում է խորհրդարանական լսումներ կազմակերպել ԵԽԽՎ ձմեռային նստաշրջանում քննարկած երկու հակահայկական զեկույցների վերաբերյալ: «Մենք պետք է մանրամասն քննարկենք ԵԽԽՎ-ում տեղի ունեցածը: Այդ խայտառակ բանաձևերից մեկն ընդունվել է վեհաժողովի կողմից, և մենք պետք է քննարկենք իրավիճակը, հասկանանք, թե որտեղ են մեր սխալներն ու բացթողումները: Սխալները բազմաթիվ են, ես պատրաստ եմ դրանց մասին խոսել: Ի՞նչն է խանգարում մեզ այս հարցի շուրջ լսումներ կազմակերպել և հասկանալ մեր սխալները»,- «Արմենպրես»-ի հաղորդմամբ՝ դիմելով ԱԺ նախագահ Գալուստ Սահակյանին՝ ընդգծեց Զուրաբյանը:

ԱԺ նախագահն էլ ընդգծեց, որ որևէ մեկը չի պատրաստվում մերժել թեմայի վերաբերյալ խորհրդարանական լսումներ անցկացնելու առաջարկը: «Դուք կարող եք լսումներ հրավիրելու հարցով դիմել հանձնաժողովին, մենք էլ կգանք կմասնակցենք այդ լսումներին: Մենք այսպես թե այնպես քննարկելու ենք այդ հարցը, կարող ենք աշխատանքային քննարկումներ կազմակերպել մեր պատվիրակության մասնակցությամբ: Այնպես որ, ոչ ոք չի պատրաստվում մերժել ձեր առաջարկը»,- ընդգծեց ԱԺ նախագահը:

Եվրախորհրդի խորհրդարանական վեհաժողովը հունվարի 26-ին  մերժել է բրիտանացի խորհրդարանական Ռոբերտ Ուոլթերի (ի դեպ, նա արդեն ԵԽԽՎ անդամչէ) «Բռնության աճը Լեռնային Ղարաբաղում և Ադրբեջանի մյուս օկուպացվածտարածքներում» զեկույցը: Զեկույցին կողմ քեվարկեց 66, դեմ 70 պատգամավոր: < /p>

Միևնույն ժամանակ, ԵԽԽՎ-ն ընդունել է Բոսնիայի ու Հերցեգովինայի ներկայացուցիչ Միլիցա Մարկովիչի «Ադրբեջանի սահմանամերձ բնակավայրերի բնակիչներըկանխամտածված կերպով զրկվում են ջրից» թեմայով զեկույցը, որն ընդունվել է որոշակի լրամշակումներով: Զեկույցին կողմ է քվեարկել 98, դեմ՝ 71 պատվամավոր: