Հայաստանում ոչ ավանդական կրոնական կառույցները տարեկան լքում է 400-500 անդամ

Հայաստանում նոր կրոնական կառույցներից (առավել հայտնի են աղանդավորական անվամբ-հեղ.) տարեկան դուրս է գալիս 400-500 անդամ հիասթափության կամ այլ հանգամանքների բերումով: Տարեկան 1000 մարդ դառնում է նոր կրոնական կառույցների անդամ: «Արմենպրես»-ի հաղորդմամբ՝ լրագրողների հետ փետրվարի 1-ի հանդիպմանն այս մասին ասաց Քայքայիչպաշտամունքներից տուժածների օգնության և վերականգնողականկենտրոնի ղեկավար Ալեքսանդր Ամարյանը: «Հայաստանում կան ոչ առաքելական եկեղեցու 350 հազար հետևորդներ: Նրանցից 250 հազարը աղանդավորական կամ նոր կրոնական կառույցների հետևորդներ են»,- ասաց կենտրոնի ղեկավարը:

Ամարյանի հաղորդմամբ՝ Հայաստանում այսօրվա դրությամբ գրանցված է 65 կրոնական կառույց, որոնցից մոտ 10-ը ավանդական եկեղեցիներն են` ներառյալ հայ առաքելական, իսկ մնացածը՝  նոր կրոնական կառույցները: Բացի դրանից, Հայաստանում կան նաև 200-ից ավելի կազմակերպություններ, որոնք գրանցված չեն որպես կրոնական կազմակերպություններ, բայց զբաղվում են կրոնական գործունեությամբ:

Կենտրոնի ղեկավարի խոսքով՝ նախորդ տարի Հայաստանում գրանցվել է նոր կրոնական կառույց՝ հողադավան կրոնական եկեղեցին, որն ամբողջովին  հայկական է և արտասահմանի հետ ոչ մի կապ չունի: Թե ինչ է կատարվում կրոնական կառույցներում՝ ոչ ոքի հայտնի չէ: Զոմբիացման պրոցեսն այս կազմակերպություններում ավելի հեշտ է, քան որևէ այլ տեղում, հավատքի, աղոթքի միջոցով մարդուն շատ հեշտ հնարավոր է հասցնել զոմբիացման վիճակի:

Այսպես կոչված` «աղանդի հետևորդներ» կոչվում են աղանդավորներ. դրանք մարդկանց (հավատացյալների) խմբեր են, որոնք անջատվել են ավանդական եկեղեցուցև, չընդունելով նրա դավանանքի որոշ կետեր կամ դավանանքն ամբողջությամբ, քարոզում են իրենց առաջնորդի կողմից առաջ քաշած գաղափարները: Վերջիններսմեծ մասամբ հիմնված են Ավետարանի այս կամ այն հատվածի կողմնակալ մեկնաբանության վրա՝ ըստ աղանդի շահերի և համոզմունքների: Աղանդների հետևորդներըխուսափում են ազգային, հասարակական, բարոյական պարտավորություններից: