«Եթե չես գնում հաղթելու համար, ավելի լավ է տանը մնաս». Անահիտ Հակոբյան
ԼԱՅՖՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երգչուհի Անահիտ Հակոբյանը փոխեց որոշումն ու ցանկացավ այս տարի մասնակցել «Դեպի Եվրատեսիլ» մրցույթին, երբ առաջարկ ստացավ Մհեր Բաղդասարյանի կողմից:
«Անցյալ տարի ասել էի, որ շատ հոգնած եմ ու չեմ մասնակցելու, բայց ԱՄՆ մեկնելուց հետո շատ բան փոխվեց: Ես ու Գոռն առաջին անգամ հանդիպեցինք Միացյալ նահանգներում՝ Դոլբի թատրոնում ու հասկացանք, որ մեր մեջ արտիստական հետաքրքիր էներգիա կա:
Կարծում եմ Հայաստանը դեռ չի ունեցել աղջիկ և տղա դուետ ու խարիզմատիկ արտիստներ: Իսկ Գոռը շատ հետաքրքիր ու ռեգետոն արտիստ է»,- Tert.am Life-ի հետ զրույցում նշեց Անահիտ Հակոբյանն ու հույս հայտնեց, որ հայ լսարանը շատ կսիրի իրենց երգը:
«Փետրվարի 16-ին կտեսնեն մեզ բեմական հագուստով, շոուով ու պարային կատարումով ու կարծում եմ, դրանից հետո ավելի կսիրեն երգը»,- ասաց երգչուհին:
Գոռը հավելեց, որ «Wild» երգը մեր կյանքի մասին է: Երգի գաղափարը չկոտրվող, չհանձնվող ու առաջ գնացող մարդու մասին է:
Անահիտ Հակոբյանը խոստովանեց՝ 12 մասնակիցներն էլ տաղանդավոր են ու հետաքրքիր երգեր են ներկայացրել, բայց «Եվրատեսիլ»-ի ֆորմատին իրենց երգը շատ է համապատասխանում:
«Շատ հետաքրքիր շոու է լինելու բեմում: Առահասարակ կարծում եմ, որ բեմ պետք է հաղթողի հոգեբանությամբ բարձրանալ: Դա շատ կարևոր է: Ես դեռ մանկուց եմ մասնակցել բազում մրցույթների ու կարծում եմ՝ պարզապես գալ մասնակցելու համար, ավելի լավ է մնալ տանը»,- վստահ է Անահիտը:
Գոռն ու Անահիտը նշեցին, որ փորձերի ժամանակ ամեն ինչ անում են, որ ներկայանան անթերի:
«Գոռը կփայլի ինձ հետ այդ օրը բեմում, ես ավելի քան վստահ եմ»,- ամփոփեց երգչուհին:
Հիշեցնենք՝ փետրվարի 16-ին ամերիկաբնակ երգիչ Գասոյանի ու Անահիտ Հակոբյանի դուետը հանդես կգա «Wild» երգով՝ 9-րդ համարի ներքո:
