Blog.1in.am-ը գրում է.
Լակշմի Ագարվալն ընդամնեը 15 տարեկան էր, երբ նրա կյանքն ամբողջովին փոխվեց: Աղջկա համադասարանցու մեծ եղբայրը, ով այդ ժամանակ 32 տարեկան էր, Լակշմիին ամուսնության առաջարկություն է արել: Երիտասարդ աղջիկը մերժել է նրան, ինչի պատճառով էլ զայրացած տղամարդը «կիսլատա» է լցրել աղջկա դեմքին: «Սկզբում ես սառնություն զգացի, հետո մաշկս սկսվեց այրվել: Իսկ հետո մաշկս սկսեց հալվել», – պատմում է Լակշմին, ում բնազդաբար հաջողվել է պաշտպանել աչքերը՝ ձեռքերով պահելով դրանք:
Աղջիկը 10 շաբաթ մնացել է հիվանդանոցում, որտեղ բժիշկները ստիպված են եղել հեռացնել նրա դեմքի մաշկն ամբողջությամբ: Լակշմին մի քանի վիրահատություններ է տարել: Դեմքի վերքերը սկսում էին լավանալ, բայց ահա սրտում նորանոր վերքեր էին առաջանում:
«Իմ ընտանիքն այլևս չէր ցանկանում տեսնել ինձ: Նույնիսկ իմ ընկերները երես թեքեցին ինձանից, – հիշում է աղջիկը: – Ես ութ տարի շարունակ գրեթե տանն էի լինում, իսկ դուրս գալուց դեմքս ամբողջությամբ ծածկում էի: Ես ցանկանում էի աշխատանքի ընդունվել, բայց բոլորն ասում էին, որ ես կվախեցնեմ հաճախորդներին իմ դեմքով»:
Ժամանակի ընթացքում Լակշմին ծանոթացավ նման հրեշավոր արարքի զոհերի հետ: Ինչպես պարզվեց, Հնդկաստանում սա տարածված երևույթ է: Լակշմին որոշեց ձեռքերը ծալած չնստել և գործի անցավ:
Ամենակարևորը, որ Լակշմիին լսեցին: Հնդկական հայտնի բրենդ Viva&Diva-ն աղջկան հրավիրեց իր նոր հավաքածուի դեմքը դառնալ: «Վերջապես ես հասկացա, գեղեցկության իսկական նշանակությունը: Մենք պետք է շարունակենք նույն ոգով: Պետք չէ ինքներս մեզ խղճալ: Միայն մեր քաջությունն ու հավատը մեզ նոր մարդ կդարձնի», – ոգևորիչ խոսքեր է ասում Լակշմին:
Լակշմիի դեմքին «կիսլատա» լցրած տղամարդը բանտ նստեց յոթ տարի:
Երկու տարի անց աղջիկը հանդիպեց Ալոկ Դիկշիտին՝ «Դադարեք կիսլատայով հարձակումները» կազմակերպության հիմնադիրին: Նրանք ամուսնացան և ունեցան մի աղջիկ:
Այժմ իր ամուսնու հետ միասին Լակշմին շարունակում է պայքարել վիրավորված կանանց իրավունքների համար:
