Շվեդ գիտնականները մշակել են արևային մարտկոցների վերամշակման մեթոդ

Շվեդիայի Լինչոպինգի համալսարանի գիտնականները մշակել են արևային մարտկոցների վերամշակման մեթոդ, որը կարող է զգալիորեն նվազեցնել արևային էներգիայի արտադրության էկոլոգիական բեռը: Հետազոտությունը ցույց է տալիս, որ հնարավոր է վերաօգտագործել պերովսկիտի վրա հիմնված արևային տարրերի բոլոր բաղադրիչները՝ առանց շրջակա միջավայրի համար վնասակար լուծիչներ օգտագործելու:

Էլեկտրաէներգիայի սպառման կտրուկ աճի պայմաններում, որը կապված է արհեստական բանականության զարգացման և էլեկտրական տրանսպորտին անցնելու հետ, առաջանում է արդյունավետ և էկոլոգիապես մաքուր էներգիայի աղբյուրների անհրաժեշտություն: Արևային էներգիան երկար ժամանակ համարվում է ամենահեռանկարային ուղղություններից մեկը, սակայն ավանդական սիլիկոնային արևային վահանները, որոնք շուկայում են արդեն ավելի քան 30 տարի, մոտենում են իրենց կյանքի ցիկլի ավարտին՝ ստեղծելով վերամշակման անսպասելի խնդիր:
Շվեդ գիտնականները ստեղծել են արևային մարտկոցների բազմակի ամբողջական վերամշակման տեխնոլոգիա՝ առանց արդյունավետությունը կորցնելու, որն օգտագործում է միայն ջուր:

«Ներկայումս չկա սիլիկոնային վահանների թափոնների արդյունավետ վերամշակման տեխնոլոգիա: Ուստի հին արևային մարտկոցները հայտնվում են աղբանոցներում՝ կազմելով հսկայական էլեկտրոնային թափոնների լեռներ, որոնց հետ ոչինչ անել հնարավոր չէ», – բացատրում է Լինչոպինգի համալսարանի ֆիզիկայի, քիմիայի և կենսաբանության ամբիոնի դասախոս Սյուն Սյաոն:

Օպտոէլեկտրոնիկայի պրոֆեսոր Ֆեն Գաոն ընդգծում է նոր արևային տարրերի մշակման ժամանակ վերամշակման հնարավորությունը հաշվի առնելու կարևորությունը. - «Եթե մենք չգիտենք, թե ինչպես վերամշակել դրանք, գուցե դրանք ընդհանրապես արժե չհանել շուկա»:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]