Ինչպե՞ս է չինական DeepSeek մոդելների շարքը մրցակցելու աշխարհի լավագույն մեծ մոդելների հետ

Վերջերս DeepSeek-ի խոշոր մոդելների ամբողջ շարքը, այդ թվում՝ DeepSeek-R1-ը, V3-ը , Coder-ը և այլն, պաշտոնապես միացան գերհամակարգչային ինտերնետ հարթակին։ Ըստ տեղեկության, DeepSeek-R1-ը կենտրոնանում է բնական լեզվի մշակման վրա և ունի տեքստի ստեղծման հզոր հնարավորություններ,  DeepSeek-V3-ը կենտրոնանում է պատկերների ստեղծման վրա, կարող է ստեղծել բարձր լուծաչափով և դետալներով հարուստ պատկերներ, որոնք կարող են օգտագործվել այնպիսի տեսարաններում, ինչպիսիք են գովազդները, գեղարվեստական ստեղծագործությունները և այլն: DeepSeek-Coder-ը կոդերի ստեղծման մոդել է, որը կարող է օգնել ծրագրավորողներին արագ ստեղծել ծրագրեր և բարելավել մշակման արդյունավետությունը։

Գերհամակարգչային ինտերնետ հարթակը ինտերնետ-մտածողությամբ կառավարում է գերհամակարգչային կենտրոնները և միավորում է տարբեր կողմերի հնարավորություններ և ռեսուրսներ, ինչպիսիք են արտադրության էկոհամակարգում հաշվողական հզորության մատակարարումը, հավելվածների մշակումը, օպերատիվ կառավարման ծառայությունը, օգտատերերը և այլն՝ ստեղծելու ամբողջական գերհամակարգչային հաշվողական հզորության ցանց և սպասարկման հարթակ։ Դրա նպատակն է ապահովել մատակարարողի և սպառողի սերտ կապը, շուկայական գործունեության և սպասարկման համակարգի միջոցով իրականացնել հաշվողական հզորության համալիր պլանավորում, նվազեցնել գերհամակարգչային հավելվածների շեմը, հասցնել հաշվողական տեխնիկան ավելի բարձր մակարդակի, խթանել անկախ հիմնական ծրագրային և ապարատային ապահովման տեխնոլոգիաների խորացված կիրառումը և ազդել անկախ և կարգավորվող բիզնես էկոհամակարգի զարգացմանը և հասունացմանը։ 

 Գերհամակարգչային հաշվողական հզորության ինտեգրված գործունեության խթանման և հաշվողական հզորության ազգային բազա ստեղծելու համար Չինաստանի ազգային գերհամակարգչային ինտերնետ հարթակը անցած տարվա ապրիլին պաշտոնապես գործարկվեց՝ ընդգրկելով տարատեսակ ոլորտներ, որոնցից են գիտական հաշվարկները, արդյունաբերական մոդելավորումը, արհեստական բանականության (AI) մոդելների ուսուցումը և այլն։

Չինաստանի Ազգային գերհամակարգչային ինտերնետ հարթակից տեղեկացնում են, որ այս տարվա հունվարի դրությամբ հարթակում կա ավելի քան 6500 տարբեր տեսակի հաշվողական հզորության արտադրանք, այդ թվում՝ մոտ 240 մոդելային ծառայություններ, ներառյալ DeepSeek-ը, Qwen-ը և այլ հայրենական բաց կոդով մեծ մոդելներ, ինչպես նաև արտասահմանյան բաց կոդով մեծ մոդելներ, ինչպիսիք են Llama-ն, Stable Diffusion-ը, Gemma-ն, Mistral-ը, StarCoder-ը, ChatGLM-ը և այլն։

DeepSeek-ի գործարկման վերաբերյալ Ազգային գերհամակարգչային ինտերնետ հարթակի համապատասխան պատասխանատու անձը նշել է, որ չինական արտադրության առաջատար AI տեխնոլոգիաների և ազգային համապարփակ հաշվողական հզորության սպասարկման հարթակի համադրումը առաջատար գործունեություն է՝ արագացնելու հայրենական արտադրության AI տեխնոլոգիաների էկոլոհամակարգի զարգացումը և տարածումը։ Այն շուկայի, տեխնոլոգիաների, նորարարությունների, արտադրանքի և օգտատերերի տեսանկյունից կնպաստի  AI տեխնոլոգիաների էկոհամակարգի նորարարությանը և արդյունքների իրականացմանը, ինչպես նաև կխթանի AI+-ի դիվերսիֆիկացումը։ Միևնույն ժամանակ այն կնպաստի  Չինաստանի և մինչև անգամ ողջ աշխարհի AI շուկայի կիրառելիության և արդյունաբերականացման գործընթացին։ Ազգային գերհամակարգչային ինտերնետ հարթակի միջոցով օգտատերերն առանց տեղական ներբեռնման կարող են առցանց գործառույթներ կատարել,  եզրակացություններ անել, հարմարեցնել դասընթացներ և զարգացնել DeepSeek և այլ ներքին և արտասահմանյան բաց կոդերով մեծ մոդելներ՝ նվազեցնելով AI տեխնոլոգիաների օգտագործման շեմը: Միևնույն ժամանակ հաշվողական հզորության սպասարկման հասանելիությունը նույնպես բարելավվել է, ազգային գերհամակարգչային ինտերնետ հարթակը, հենվելով հայրենական արտադրության խոր հաշվարկների արագացման մտավոր քարտերի և համազգային ինտեգրված հաշվողական հզորության սպասարկման համակարգի վրա, DeepSeek-ի և այլ մոդելների համար տրամադրում է հաշվողական հզորության տարատեսակ ռեսուրսներ և հայրենական AI հավելվածների և նորարարությունների համար տրամադրում է հաշվողական հզորության երկարատև երաշխիք։

DeepSeek մոդելների շարքը հնարավորությունների առումով համարժեք է աշխարհի լավագույն մեծ մոդելներին, սակայն արժեքի տեսանկյունից ունի էական առավելություններ։ DeepSeek շարքն ալգորիթմների օպտիմալացման միջոցով զգալիորեն նվազեցնում է հաշվողական ռեսուրսների սպառումը։ Համադրվելով ազգային գերհամակարգչային ինտերնետ հարթակի «համընդհանուր, հեշտ օգտագործվող, հարուստ և հարմար» հնարավորություններին՝ այն հնարավորություն է տալիս ավելի շատ ձեռնարկությունների և օգտատերերի իրենց թույլ տալ օգտագործել AI տեխնոլոգիաներ և արագացնել դրանց տարածումը։

Մասնագիտական ոլորտի ներկայացուցիչներն, ընդհանուր առմամբ, կարծում են, որ DeepSeek մոդելի լայնածավալ իրագործումը գերհամակարգչային ինտերնետ հարթակներում կարող է փոխել ներքին AI արդյունաբերության՝ արտասահմանյան փակ կոդերով մոդելներից կախվածության ներկայիս վիճակը։

Սկզբնաղբյուր՝  news.cn/tech/20250210/e3d3cd7170044e38b704f95458106c04/c.html