14 առեղծվածային փաստեր ու իրադարձություններ, որոնք մինչ այսօր չեն բացահայտվել

Որոշ փաստեր այնքան անհավանական են հնչում, որ դժվարանում ես հավատալ դրանց իրական լինելուն։ Ստորև ներկայացնում ենք այդպիսի 14 ապշեցուցիչ փաստեր ու երևույթներ, որոնցից նույնիսկ ամենագիտակ մասնագետները չեն կարողանում գլուխ հանել։

 1  Մահվանից 2000 տարի հետո հայտնաբերված աշխարհի ամենալավ պահպանված մարդու հինավուրց մնացորդները թաղված էին առեղծվածային հեղուկի մեջ, որը գիտնականները դեռևս չեն կարողանում վերարտադրել։

Ք.ա. մոտավորապես 178-145թթ.-ին մահացած Հան դինաստիայի ժամանակաշրջանում ապրող Խին Ժուի մումիայի մաշկը դեռ փափուկ էր, և նրա վերջույթների հոդերը կարող էին շարժվել, երբ նրա դիակը հայտնաբերվեց 1971թ․-ին։ Մարմինը ծածկված էր հեղուկով, որի բաղադրությունը մինչ այսօր գիտնականները չեն կարողանում ստանալ։

 2  Գիտնականները մինչև հիմա չեն կարողանում պատասխանել այն հարցին, թե ինչու են մարդկանց մոտ արյան տարբեր կարգեր հանդիպում։

1900-ականների սկզբին Կարլ Լենդստեյները հայտնաբերեց արյան կարգերը և այն, որ որոշ կարգեր չեն կարող միախառնվել։ Բազմաթիվ տեսություններ կան այն մասին, թե ինչպես ենք մենք ձեռք բերել արյան կարգերը, սակայն այն հարցին, թե ինչու են արյան խմբերը տարբեր, դեռևս չի հաջողվում պտասխանել։

 3  Ավստրալիայում ամեն տարի սեպտեմբերից մինչև մարտն ընկած ժամանակահատվածում գրեթե ամեն կեսօր նույն ամպրոպային ամպն է հայտնվում, որն ուսումնասիրության առարկա է դարձել ամբողջ աշխարհի օդերևութաբանների համար։

Հեկտոր կոչվող ամպը սեպտեմբերից մինչև մարտ գրեթե ամեն կեսօր հայտնվում է Տիվի կղզիների վրա։ Այն մոտավորապես 20 կմ երկարություն ունի, և ասում են, թե ձևավորվում է ծովային քամիների ազդեցությամբ։

 4  Չիլիում լքված մի քաղաքում 15-20 սանտիմետրանոց կմախք է հայտնաբերվել։

Շատերը կարծում էին, որ ամուր ատամներով, ուռուցիկ գլխով և թեփուկավոր մաշկով հայտնաբերված այս արարածն այլմոլորակային էակ էր։ Երբ հայտարարվեց, որ այն իրականում մարդ է, հարցեր ծագեցին դրա չափի, մուտացիաների և ծագման մասին առհասարակ։ Այս հարցերից և ոչ մեկին մինչ այսօր չի հաջողվել պատասխանել։

 5  Վերջին 7 տասնամյակների ընթացքում մոտ 90 տարբեր ավիաընկերությունների ինքնաթիռներ են անհետ կորել։

Մինչ այժմ ուղևորատար մոտ հարյուր տարբեր ինքնաթիռներ են անհետացել առանց որևէ հետքի, և մինչ այսօր ոչ ոք չգիտի, թե ուր և ինչ պատճառներով են անհետացել դրանք։

 6  1876թ․-ին Կենտուկիի Ռանկին բնակավայրի մոտ մսի տեսքով առեղծվածային անձրև տեղաց։

Նյուարքի գիտական ասոցիացիան Կենտուկիի «մսային անձրևն» ուսումնասիրելուց հետո դրանց մեջ ձիու կամ նորածնի թոքերի (երկու դեպքում էլ օրգանները բավականին նման են), մկանների հյուսվածքներ ու աճառային հյուսվածքներ հայտնաբերեց։

 7  1967թ․-ին Ավստրալիան կորցրեց իր վարչապետին։ Դրանից հետո սկսվեցին երկրի պատմության ամենախոշոր որոնողական աշխատանքները, որոնք այդպես էլ անարդյունք մնացին։

Հարոլդ Հոլթը 22 ամիս էր, ինչ Ավստրալիայի վարչապետն էր, երբ Չևիոթ լողափում լողալիս անհետ կորավ։ Երկրի ոստիկանությունը, ավստրալական թագավորական նավատորմի սուզորդները, ավստրալական օդուժի ուղղաթիռները, ռազմական ուժերն ու բազմաթիվ կամավորներ մասնակցեցին որոնողական աշխատանքներին, սակայն այդպես էլ չհաջողվեց գտնել ո՛չ Հոլթին, ո՛չ էլ նույնիսկ նրա իրերը։

 8 8 1518թ․-ին Ֆրանսիայի Էլզաս նահանգի Ստրասբուրգ բնակավայրում «պարի համաճարակ» բռնկվեց։

Մարդկանցից շատերը սրտի և ուղեղի կաթվածից, մյուսներն էլ ուժասպառ լինելուց մահացան։ Այս ամենը սկսվեց փողոցներում բռկված «պարի համաճարակի» արդյունքում, որը մոտ մեկ ամիս տևեց։ Հարյուրավոր մարդիկ տուժեցին, և մինչև հիմա այս երևույթը չի հաջողվել բացատրել։

 9  Լողավազանի ցածր հատվածում գլուխը հարվածելուց ու ուղեղի ցնցում ստանալուց հետո տղամարդը ուշքի է եկել «Ձեռքբերովի երաժշտական գիտակ» համախտանիշով։

Դերեկ Ամատոն կորցրել էր լսողության 35 տոկոսն ու հիշողության մի մասը, սակայն նա ձեռք էր բերել երաժիշտ դառնալու կարողություն։ Միջադեպից մի քանի օր անց նա ասել է, որ ստեղնաշարի մոտ նստելու անհագ ցանկություն ունի։ Չունենալով երաժշտական կրթություն և նախկինում երբեք երաժշտական որևէ գործիք չնվագելով՝ նա սկսել է վարպետորեն դաշնամուր նվագել։

 10  Գոյություն ունի 240 էջանոց գիրք, որը «Վոյնիչի ձեռագիր» է կոչվում և գրվել է 15-րդ դարում՝ ամբողջովին անհայտ լեզվով։

Գրքում առկա պատկերները հուշում են, որ հնարավոր է՝ այն միջնադարյան կամ ժամանակակից բժշկության վաղ շրջանի ստեղծագործություն է։ Վոյնիչի ձեռագիրը հետազոտվել է ծածկագրեր ուսումնասիրող բազմաթիվ մասնագետների կողմից, սակայն ոչ ոքի չի հաջողվել բացահայտել, թե ինչ է գրված դրանում։

 11  1968թ․-ին Չիկագոյում աղյուսե պատի հետևում հայտնաբերվեց աշխարհի ամենայուրահատուկ մոտոցիկլետը, որը մինչ այսօր աշխատում է։

«Traub» մոտոցիկլետը, որն այժմ Դեյլ Ուոլկսթերին է պատկանում, ստեղծվել է 1916թ․-ին։ Դրա շարժիչի տեխնոլոգիան այդ ժամանակների համար բավականին զարգացած է, նույնիսկ դրա ստեղծման մեջ օգտագործված որոշ մեխանիզմներ այդ ժամանակ չեն օգտագործվել մոտոցիկլետ արտադրող ամերիկյան որևէ ընկերության կողմից։

 12  1975թ․-ին շների ու այլ կենդանիների տարօրինակ վարքի պատճառով մի ամբողջ քաղաք էվակուացվեց, ժամեր անց 7.3 մագնիտուդ երկրաշարժ տեղի ունեցավ։

Չինաստանի Հայչենգ քաղաքում կենդանիների տարօրինակ պահվածքի արդյունքում 90,000  մարդու էվակուացրեցին քաղաքից, որից մի քանի ժամ անց 7.3 մագնիտուդ երկրաշարժ տեղի ունեցավ՝ կործանելով քաղաքի 90 տոկոսը։

 13  Աշխարհի ամենախոշոր վիրուսը, որին Պանդորա են անվանում, հայտնաբերվել է Ավստրալիայի ափերին և 93 տոկոսով դեռևս անհայտ գենետիկ կոդ է պարունակում։

Գիտնականները դրա ծագումն «այլմոլորակային» են անվանում, քանի որ այն նման չէ մինչ այժմ գիտնականներին հայտնի վիրուսներին ոչ իր չափով, ոչ ձևով և ոչ էլ գենետիկ բաղադրությամբ։

 14  «Հսկա գրավիչը», ինչպես գիտնականներն են այն անվանում, սև խիտ զանգված է, որը մեր ու մյուս գալակտիկաները դեպի իրեն է քաշում։

Արեգակնային համակարգից 250 մլն լուսային տարի հեռավորության վրա ժամում 22 մլն կմ/ժ արագությամբ պտտվող հսկայական խիտ սև զանգվածի առկայությունը հուշում է, որ տիեզերքի ճակատագիրը կախված է այդ սև զանգվածի գոյությունից։