«Դուք մեզ չեք տեսել տանը՝ սցենարն անցնելիս». Գևորգ Մկրտչյանն ու Քրիստինե Հովհաննիսյանը՝ «Փաբ G» սիթքոմի նկարահանումների մասին

ԼԱՅՖ 19 Փետրվար, 2025 14:37

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ինչպես արդեն հայտնել էինք, մարտի 3-ից Արմենիա TV-ի հեռուստադիտողը կտեսնի նոր հեռուստանախագիծ՝ Փաբ G:

Նախագծի պրոդյուսորները Վահան Թովմասյանն ու Ռաֆայել Երանոսյանն են, սցենարի հեղինակները Արմեն Վարդանյանը, Գևորգ Սահակյանն ու Թելման Առաքելյանը:

Գլխավոր հերոսներին մարմնավորում են Արմուշը, Ռաֆայել Երանոսյանը, Քրիստինա Հովհաննիսյանը, Գևորգ Մկրտչյանը, Վահան Թովմասյանը, Սոնա Մաթևոսյանը, Իշխան Ղարիբյանը և այլք:

Tert.am Life-ը ներկա է եղել նկարահանումներին և զրուցել դերասանական կազմի հետ:

«Առաջին անգամ ենք ներկայանում սիթքոմում և շատ ենք հավանել այս ձևաչափը: Շատ տարբերվող նախագիծ է:

Տևական դադար էինք վերցրել մոտ 1 ու կես տարի, ու որոշել էինք, որ երբ վերադառնանք հեռուստատեսություն, պետք է տարբերվող նախագծով լինի: Դա մեր հստակ որոշումն էր, և այս նախագիծը լավագույնն էր մեր պատկերացումներին համապատասխանող»,- Tert.am Life-ի հետ զրույցում պատմեց Գևորգը:

Նրա խոսքով՝ այս ընթացքում շատ են եղել առաջարկներ, որոնցից հրաժարվել են:

«Կերպարս Միացյալ նահագներից ժամանած մի տղա է, ով եկել է Հայաստան գիրք գրելու, բայց այցելելով տվյալ Փաբ, պլաններից մի փոքր շեղվում է: Շատ մանրամասներ չբացահայտեմ, որ հեռուստադիտողին հետքրքիր լինի»,- նշեց Գևորգը:

«Իմ կերպարի անունը Անուշիկ է, նա եկել է Փաբ G, որպեսզի աշխատանքի ընդունվի, ու ինչպես կյանքում, այստեղ էլ բազում դժվարություննեի է հանդիպում: Կոլեկտիվում 3 մատուցողուհիներ ենք, 3-ս էլ տարբեր բնավորությամբ»,- մեզ հետ զրույցում պատմեց Քրիստինան, ու վստահեցրեց, որ շատ հետաքրքիր սերիաներ են սպասվում:

Գևորգը նշեց, որ ինքն ու կինը՝ Քրիստինան նկարահանման հրապարակում միասին աշխատելիս կոնֆլիկտներ չեն ունենում:

«Դուք մեզ չեք տեսել տանը՝ սցենարն անցնելիս, այնքան ենք ծիծաղում, որ հետո գանք այստեղ, սցենարը կարդալուց չծիծաղենք ու կարողանանք աշխատել: Չնայած, Ռաֆոն ու Արմուշը մեզ հետ են նկարահանման հրապարակում ու անհնար է լուրջ լինել»,- նշեց Գևորգ Մկրտչյանը:

Քրիստինան էլ հավելեց, որ նրանք երկար ու պրոֆեսիոնալ ճանապարհ են անցել և իրենց շատ են ոգևորում ու օգնում, ինչը շատ կարևոր է: