«Առավոտ». Խորհրդարանը չի քաղաքականացվում միայն բռնապետական երկրներում

Ներկայացնում ենք թերթի խմբագրականից մի հատված.

«Իշխանության ներկայացուցիչները հաճախ են հանդես գալիս այս կամ այն խնդիրը «չքաղաքականացնելու» կոչով։ Բանը հասել Է նրան, որ Ազգային ժողովի նախագահ Գալուստ Սահակյանը հորդորել Է չքաղաքականացնել օրենսդրական նախաձեռնությունները։ Բայց պետք Է հաշվի առնել, որ խորհրդարանը մի մարմին Է, որտեղ հավաքվում են (պետք Է հավաքվեն) քաղաքական գործիչներ, և այնտեղ արտասանած ցանկացած բառ քաղաքական երանգ ունի։ Այսինքն՝ աշխարհի քիչ թե շատ զարգացած բոլոր երկրներում պատգամավորները խոսում են, քննադատում են, հարձակվում են, պաշտպանում են և առաջարկում են միայն մի նպատակով՝ ապացուցելու, որ հենց իրենց քաղաքական ուժը կարող Է երկրի քաղաքացիներին տանել դեպի  երջանկություն  և  բարեկեցություն։

Այդպես է ամբողջ աշխարհում ՝ դրա մեջ ոչ մի վատ բան չկա. ամեն մի հարց կարելի է քննարկել մասնագիտական, բարոյահոգեբանական, փիլիսոփայական և այլ տեսակետներից։ Խորհրդարանը հարցը բացառապես քաղաքական դիտանկյանից քննարկելու համար է։ Դա ոչ միայն վատ չէ, այլև օգտակար է։ Քաղաքականությանը պետք է լինի բաց և հնարավորինս լայն խողովակ, որով պետք է անցնի ցանկացած խնդիր։ Եթե չի անցնում, ապա շատ մեծ է վտանգը, որ հարցերը լուծվելու են այլ վայրերում և այլ մեթոդներով։

«Այլ վայրը» պալատների փակ կաբինետներն են։ Այդպիսի մեխանիզմ է գործում բռնապետական երկրներում, որտեղ խորհրդարանն իսկապես քաղաքականացված չէ, որովհետև զրկված է իրական ընդդիմությունից։ «Այլ մեթոդները» ահաբեկչությանն է կամ անկառավարելի, տարերային բունտերն են։ Կարծում եմ՝ Հայաստանում չկա որևէ մեղսունակ մարդ, որը կցանկանար, որ մեր պետությանը գնար այդ ճանապարհով։

Այնպես որ՝ պատգամավորները որքան շատ քաղաքականացնեն ցանկացած հարց, այնքան կշահի  պետությունը»,–գրում է թերթի խմբագիրը։

Ամբողջությամբ՝ թերթի այսօրվա համարում։