Ձեր մեջ շունչ կա՞, կարո՞ղ եք խոսել, թե՞ չեք կարող խոսել. Բագրատ Սրբազանը՝ ՔՊ-ականներին
ՎԻԴԵՈՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հայաստանի քաղաքացիները գտնվում են զրկված վիճակում, Հայաստանը իշխանություն չունի, որը որևէ կերպով հոգատարություն կցուցաբերի իր քաղաքացիների հանդեպ։ Այս մասին այսօր՝ փետրվարի 27-ին, իր ուղերձում ասել է Բագրատ Սրբազանը:
«Այսօր մեզ վիճակված է միայն և միայն փորձել բոլոր հնարավոր տարբերակներով, մեր ունեցած բոլոր եղանակներով ձայն բարձրացնել, խոսել։ Դիմում եմ ձեզ, սիրելի հայրենակիցներ, մեծ ու փոքր բոլոր հնարավոր ջանքերը գործադրեք, սոցիալական ցանցերով կլինի կամ ուղղակի կառույցների հետ հարաբերություններով, հնարավոր բոլոր տարբերակները գործադրեք այս խնդիրը բարձրաձայնելու, փորձելու, այսպիսով նաև մեր ձայնը հասանելի դարձնելու բոլոր նրանց, ովքեր որևէ կերպով չնչին անգամ լծակ կունենան մեր մեր եղբայրներին Բաքվի բանտերից ետ վերադարձնելու համար»,-ասել է նա։
Բագրատ Սրբազանը նաեւ դիմել է ՔՊ-ականներին. «Ձեր մեջ շունչ կա՞, կարո՞ղ եք խոսել, թե՞ չեք կարող խոսել։ Կարո՞ղ եք ծպտուն հանել, թե՞ ոչ։ Այս խարանը մնալու է ձեր ճակատին, առաջին հերթին ձեր ճակատին, ձեր սերունդների ճակատին։ Ասել եմ մի առիթով, դուք անգամ գերեզման չեք ունենալու։ Սա ուղղակիորեն դավաճանության և ուրացման բարձրագույն ցուցիչն է»,- ասել է նա։
Հետևեք մեզ՝ այստեղ
