ԱՄՆ պետքարտուղարն ասել է, որ չի խոսել Զելենսկիի հետ Սպիտակ տան սկանդալից հետո
ՔԱՂԱՔԱԿԱՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ պետքարտուղար Մարկո Ռուբիոն նախագահ Դոնալդ Թրամփի հետ Օվալաձև աշխատասենյակում ուրբաթ օրվա հանդիպումից հետո չի խոսել Ուկրաինայի նախագահ Վլադիմիր Զելենսկիի հետ։ Այս մասին Ռուբիոն հայտարարել է ABC-ին տված հարցազրույցում։
Ռուբիոն ասել է, որ Թրամփի և Զելենսկիի վիճաբանությունից հետո չի խոսել նաև Ուկրաինայի արտգործնախարար Անդրեյ Սիբիհայի հետ, ինչը հանգեցրել է նրան, որ իրենք չեն կարողացել ստորագրել օգտակար հանածոների արդյունահանման մասին ակնկալվող պայմանագիրը:
«Մենք պատրաստ կլինենք վերսկսել պայքարը, երբ նրանք պատրաստ լինեն խաղաղության»,- եզրափակել է նա։
Հիշեցնենք, որ փետրվարի 28-ին բանակցությունների ընթացքում ԱՄՆ-ի և Ուկրաինայի նախագահները սկսեցին բարձրաձայն վիճաբանել։ Թրամփը Զելենսկիին մեղադրեց երախտամոռության մեջ։ Վեճին միացավ նաև ԱՄՆ փոխնախագահը։
Ավելի ուշ Թրամփը հայտարարեց, որ Զելենսկին պատրաստ չէ խաղաղության։
Կարճ ժամանակ անց Թրամփի և Զելենսկիի մամուլի ասուլիսը չեղարկվեց, իսկ հանքային գործարքը հետաձգվեց։ Սկանդալային բանակցություններից հետո Զելենսկիի գլխավորած պատվիրակությանը կարգադրեցին լքել Սպիտակ տունը։
Ավելի ուշ ԱՄՆ պետքարտուղար Մարկո Ռուբիոն հարցազրույց է տվել CNN-ին, որի ժամանակ ասել է, որ Ուկրաինայի նախագահը պետք է ներողություն խնդրի ԱՄՆ նախագահից։ Միաժամանակ, Ուկրաինայի նախագահը Fox News-ին տված հարցազրույցում ասել է, որ հարկ չի համարում ներողություն խնդրել Դոնալդ Թրամփից։
