Տպավորություն է, որ Քոչարյանի ասուլիսից հետո «կոնսենսուս -1» էր ձևավորվել, և այդ «-1-ը» Քոչարյանն էր. Ագնեսա Խամոյան
ՔԱՂԱՔԱԿԱՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱԺ «Հայաստան» խմբակցության պատգամավոր Ագնեսա Խամոյանն այսօր՝ մարտի 4-ին, ԱԺ-ում լրագրողների հետ զրույցում անդրադարձավ ՀՀ երկրորդ եւ երրորդ նախագահներ Ռոբերտ Քոչարյանի և Սերժ Սարգսյանի թիմակիցները հեռակա դիմակայությանը, փոխադարձ մեղադրանքներին:
«Պատմությունը, ըստ էության, սկսվեց երկրորդ նախագահ Ռոբերտ Քոչարյանի մամուլի ասուլիսից հետո, որից հետո տարբեր կողմեր, այդ թվում երկրի ներսում, նաև երկրի սահմաններից դուրս, խոսքը մեր թշնամիների մասին է, ամենատարբեր գնահատականներ սկսեցին հնչել ասուլիսում հնչած մտքերի հետ կապված, և ինձ մոտ առնվազն տպավորություն էր, որ ասուլիսից հետո «կոնսենսուս մինուս մեկ» էր ձևավորվել և մինուս մեկը Ռոբերտ Քոչարյանն էր։
Ռոբերտ Քոչարյանը խոսելով ընտրությունների մասին, ինչպես նաև փողոցային ապագա պայքարներում ունենալիք դերի մասին, ասել է, որ և արտահերթ ընտրությունների դեպքում, և հերթական ընտրությունների դեպքում, և փողոցային պայքարի դեպքում զգալի մասնակցություն է ունենալու իր ղեկավարած ուժը: Դրանից հետո եղան տարբեր գնահատականներ, հատկապես ընտրությունների մասով, ինձ համար անհասկանալի գնահատականներ, որովհետև երկրորդ նախագահը քաղաքական երեք սցենար մատնացույց արեց և շատ հստակ ընդգծեց, որ երեք սցենարի դեպքում էլ «Հայաստան» խմբակցությունը իր գլխավորած ուժը զգալի մասնակցություն է ունենալու: Դրանից հետո եղան գնահատականներ երրորդ նախագահ Սերժ Սարգսյանի մերձավոր շրջապատից»,-ասաց նա:
Խամոյանի խոսքով՝ այդ գնահատականները չնայած իրենց արձագանքի բացակայությանը, միևնույն է՝ ստացան շարունակական բնույթ. «Այսինքն դրանք, ըստ էության, շարունակվում էին, և այս պայմաններում ես չեմ կարծում, որ որևէ մեկի համար տարօրինակ էր, անսպասելի էր կամ զարմանալի էր, որ արձագանք կլիներ նաև երկրորդ նախագահի կողմից, այս դեպքում արդեն գրասենյակի ղեկավարի կողմից: Ժամանակագրությունը ես ձեզ արդեն ներկայացրեցի»,-ասաց նա:
