Իրականացվում է Արցախի թանգարանային հավաքածուների կատալոգների վերստեղծումը
ՄՇԱԿՈՒՅԹՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վերսկսվել է Արցախի կորուսյալ թանգարանային հավաքածուների կատալոգների վերստեղծման ծրագրի իրականացումը, որի շրջանակներում թիմը, օգտագործելով Արցախից բռնազավթված տարածքների մշակութային ժառանգության պահպանության Պետական Խորհրդի կողմից հավաքագրված նյութերը, ավարտին կհասցնի Շուշի քաղաքի «Քանդակի Միջազգային Պուրակի», «Երկրաբանության պետական թանգարանի», «Արցախյան գորգի թանգարանի» և «Դրամի թանգարանի» հավաքածուների թվային կատալոգները:
«Սա անչափ կարևոր նախաձեռնություն է և՛ մասնագետների, և՛ ուսանողների համար, որոնք զբաղվում են Արցախի մշակութային ժառանգության ուսումնասիրմամբ, և թվային կատալոգները թույլ կտան համակողմանիորեն պատկերացում կազմել Արցախի պատմության մասին։ Թիմի առաջին աշխատանքային քննարկման ընթացքում ուսումնասիրվել են առկա նյութերը և պլանավորվել են առաջիկա անելիքները»,-MediaHub-ի հետ զրույցում ասում է կովկասագետ Հովիկ Ավանեսովը։
Նրա խոսքով՝ Արցախի թանգարանային ժառանգությունը ոչ միայն զուտ հայկական մշակութային արժեքներ են, այլև համամարդկային նշանակություն ունեն։ Նա նշում է Շուշիի թանգարանների օրինակը։
«Շուշիում գտնվող մշակությային արժեքները կթվայնացվի և համապատասխան նկարագրություն և սկզբնաղբյուրային նշանակություն կունենա։ Դրանք երկար ժամանակ կծառայեն որպես աղբյուրագիտական հենք, կարևոր տեղեկատվական հարթակ կլինեն նաև լրագրողների ու ոլորտով հետաքրքրվողների համար, որոնք հետաքրքրված են թանգարանային հավաքածուներով»։
Հունան Թադևոսյան
Հետևեք մեզ՝ այստեղ
