Ոչ ոք չի պատկերացնում, թե «Ոսկեպարի անկլավը» հանձնելուց հետո ինչ վիճակում է հայտնվելու մեր երկիրը
ՀԱՐՑԱԶՐՈՒՅՑՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Տավուշում շունչները պահած սպասում են սահմանազատման գործընթացին, որն այս անգամ, ըստ մարզում տարածվող լուրերի, կիրականացվի Դեբեդավան-Ոսկեպար համայնքների տարածքում։
«Զրույցներ են պտտվում, որ եղանակները տաքանալուն պես կշարունակվի սահմանազատման-սահմանագծման գործընթացը։ Մեզ համար ամենացավոտը Ոսկեպարի հատվածն է, քանի որ թշնամուն պետք է հանձնվի Ոսկեպարի անկլավը՝ վերին Ոսկեպարը, որը սահմանակցում է Լոռու մարզին։ Անկլավը հանձնելուց հետո ոչ ոք չի պատկերացնում, թե ինչ վիճակում է հայտնվելու մեր երկիրը, քանի որ Ադրբեջանի վերահսկողության տակ կանցնի և՛ երկաթգիծը, և՛ գազամուղը։ Հայաստանը կկորցնի հարևան Վրաստանի հետ սահմանային ռազմավարական նշանակության ամենակարևոր կտորը»,- MediaHub-ի հետ զրույցում ասաց Տավուշի մարզի բնակիչը։
Նա նաև տեղեկացրեց, որ այդ հատվածներում արդեն իսկ ավարտվել են ականազերծման աշխատանքները, սակայն, զորքի տեղաշարժ չկա։
«Շրջանառության մեջ կա նաև Լոռու մարզի Ջիլիզա գյուղը։ Խորհրդային միության փլուզումից հետո այդ գյուղը գտնվում էր չեզոք վիճակում։ 2000-ականներին այն բաժանվել է 2 մասի՝ վրացական Ջիլիզի և հայկական Ջիլիզայի։ Երկու կողմում էլ հայեր են ապրում, էս պահին կտրված են իրարից։ Խոսակցություններ են գնում, որ սահմանազատման գործընթացից հետո, Փաշինյանի ասած «երկրի կադաստրի թուղթը» ստանալու համար պետք է Վրաստանին հանձնվի նաև հայկական Ջիլիզան»,- հավելեց նա։
Հիշեցնենք, օրերս ՀՀ փոխվարչապետ Մհեր Գրիգորյանը հայտարարեց, որ սահմանազատումը շարունակվելու է Տավուշից՝ հյուսիսային անկյունից. դա ընդհանուր կոնսենսուսային որոշում է: Ինչ վերաբերում է ժամկետներին, ապա դրանք դեռ հստակ չեն՝ հարցեր կան քննարկելու հանձնաժողովների ֆորմատով:
