«Թող իմանան այս ապիկարները՝ ո՛չ Մարտի 8 ունենք, ո՛չ էլ ուրիշ տոն». անհետ կորածների ծնողները կառավարության մոտ են (վիդեո)
ՎԻԴԵՈՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կառավարության մոտ այսօր բողոքի ակցիա էին իրականացնում 2020թ. 44-օրյա պատերազմում անհետ կորած զինծառայողների ծնողները՝ այդ թվում մայրերը, որոնց համար կանանց միջազգային օրը՝ Մարտի 8-ն այլևս տոնական չէ։
Ծնողները պահանջում են կառավարությունից չանտեսել իրենց անհետ կորած որդիների ճակատագրերն ու զբաղվել նրանց հայրենիք վերադարձնելու հարցով։
«Թող այս շենքում նստող ապիկարներն իմանան, որ այս ծնողները ո՛չ Ամանոր ունեն, ոչ Մարտի 8, ոչ Ապրիլի 7՝ ինչ գեղեցիկ տոն կա՝ զրկված են բոլորից, սգավոր են դարձել։ Չգիտեմ՝ ինչքան են մնալու այս սգի մեջ»,- ասաց անհետ կորածներից մեկի հայրը։
Մայրերն էլ շեշտում են՝ ուզում են իրենց բողոքն արտահայտել ու հիշեցնել, որ իրենք այս օրը տոնելու ցանկություն ու սիրտ չունեն արդեն 5 տարի։
«Այս կերպ ուզում ենք արտահայտել մեր մեջ եղած ցավը, մեր տառապանքները։ Ոմանց համար այսօր տոն է, ոմանց համար՝ տանջալից օր, ոմանք ծաղիկների են այսօր սպասում, իսկ մենք՝ մեր անգին ու թանկ ծաղիկներին՝ մեր որդիներին»,- ասաց անհետ կորած զինծառայողների մեկի մայրը։
Հետևեք մեզ՝ այստեղ
