ԵՄ-ի և Մեծ Բրիտանիայի արձագանքը Սիրիայում ազգային և կրոնական փոքրամասնությունների ցեղասպանությանը
ՄԻՋԱԶԳԱՅԻՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
BBC-ն ի մի է հավաքել Մեծ Բրիտանիայի և ԵՄ-ի հնչեցրած հայտարարությունները Սիրիայում ազգային և կրոնական փոքրամասնությունների դեմ իրականացվող վայրագությունների մասին:
Մեծ Բրիտանիայի արտաքին գործերի նախարար Դևիդ Լեմմին հայտարարել է, որ հաղորդումներն այն մասին, որ «մեծ թվով քաղաքացիական անձինք են սպանվել Սիրիայի առափնյա շրջաններում շարունակվող բռնությունների ժամանակ, պարզապես սարսափելի են», հավելելով, որ Դամասկոսի իշխանությունները «պետք է պաշտպանեն բոլոր սիրիացիներին և հստակ ուղի գծեն դեպի անցումային շրջանի արդարադատությունը»:
Սակայն ամենաուշագրավ հայտարարությունն արել է Եվրամիությունը, որը դատապարտել է «Ասադին կողմնակից տարրերի հարձակումները ժամանակավոր կառավարության ուժերի վրա»:
«ԵՄ-ն նաև կոչ է անում բոլոր արտաքին դերակատարներին ամբողջովին հարգել Սիրիայի ինքնիշխանությունը, միասնությունը և տարածքային ամբողջականությունը»,- ասվում է ԵՄ հայտարարության մեջ։
Ավելի վաղ ռուսական Bloknot լրատվամիջոցը հայտնել էր, որ վերջին օրերին Սիրիայում էթնիմ և կրոնական հողի վրա տեղի ունեցած զանգվածային սպանությունները նոր թափ են ստանում՝ ալավիների և քրիստոնյաների ամբողջական ընտանիքներ են գնդակահարվում, մորթվում և գլխատվում։
Նշվում է, որ ԴԱԻՇ-ի նախկին անդամները ակտիվորեն գործում են պաշտոնական Դամասկոսի դրոշի ներքո։
Լրատվամիջոցն ընդգծում է, որ երկրի նոր իշխանությունները ցեղասպանություն են կազմակերպել։
Մարդու իրավունքների սիրիական դիտորդական կենտրոնի (Sohr) տվյալներով, Սիրիայի ռազմական գործողությունների վարչությունը անօդաչուներով և հրետանային արկերով հարձակվել է Բանիաս գյուղական տարածքի տարբեր շրջանների վրա՝ խուճապ առաջացնելով բնակիչների շրջանում:
Ըստ Sohr-ի աղբյուրների, անօդաչուները հարձակվել են լեռնային և անտառապատ շրջանների վրա։
Լաթաքիայի և Տարտուսի շրջանները ենթարկվել են տանկերի և անօդաչուների ինտենսիվ ռմբակոծությանը:
Հետևեք մեզ՝ այստեղ
