Հունգարիան ԵՄ-ին 12 պահանջ է ներկայացրել, այդ թվում՝ Ուկրաինայի և Սորոսի հարցով
ՔԱՂԱՔԱԿԱՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հունգարիան ԵՄ ղեկավարությունից պահանջում է խաղաղություն հաստատել Եվրոպայում և դեմ է Ուկրաինայի՝ ԵՄ հապճեպ ընդունմանը։ Այս մասին ասվում է Բրյուսելին ուղղված 12 պահանջներում, որոնք հրապարակել է վարչապետ Վիկտոր Օրբանը ազգային տոնի՝ 1848 թվականի հեղափոխության օրվա կապակցությամբ։
«Մենք պահանջում ենք խաղաղություն Եվրոպայում. Միություն, բայց առանց Ուկրաինայի. «Հավասարություն, ազատություն, եղբայրություն»»,- գրել է կառավարության ղեկավարն X-ում։
Նա ասել է, որ Հունգարիան դեմ է ԵՄ առանձին երկրների լիազորությունները սահմանափակելու և, մասնավորապես, նրանց վետոյի իրավունքից զրկելուն։
Օրբանը նաև ուշադրություն է հրավիրել «Բրյուսելի և Ջորջ Սորոսի հիմնադրամների կողմից ինքնիշխան պետությունների գործերին միջամտության» անթույլատրելիության վրա։
Հունգարիան նաև պահանջում է ԵՄ-ից «պաշտպանել Եվրոպայի քրիստոնեական ժառանգությունը», ինչը նշանակում է պայքարել Ասիայի և Աֆրիկայի մուսուլմանական երկրներից անօրինական միգրացիայի դեմ:
Մարտի 15-ին Օրբանը ելույթ է ունեցել Բուդապեշտում՝ նշելու 1848 թվականի հեղափոխության օրը, որտեղ նա ներկայացրել էայս պահանջները Բրյուսելին։ Խոսելով Ուկրաինայի մասին՝ նա նշել է, որ ԵՄ առաջնորդները չեն ցանկանում օգնել այս երկրին, այլ ձգտում են գաղութացնել այն և այդ նպատակով նրան մղում են Ռուսաստանի հետ պատերազմը շարունակելու։
«Եվրոպայի կառավարիչները որոշել են, որ Ուկրաինան պետք է ամեն գնով շարունակի պատերազմը, իսկ դրա դիմաց այն արագորեն կստանա ԵՄ անդամակցություն, ինչի համար մենք դեռ պետք է վճարենք: Մենք դրա համար միայն մեկ պատասխան ունենք՝ «Եվրամիություն, բայց առանց Ուկրաինայի»»,- ասել է Հունգարիայի վարչապետը։
Հետևեք մեզ՝ այստեղ
