Իտալիայում թողարկվել է աշխարհում առաջին թերթը՝ ամբողջովին գրված արհեստական բանականության կողմից
ՖՈՏՈՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իտալական Il Foglio թերթը թողարկել է փորձնական համար, որտեղ բոլոր նյութերը, ներառյալ հոդվածները, վերնագրերը, գրված են նեյրոնային ցանցի միջոցով: Այս նմուշը, որը կոչվում է Il Foglio AI, աշխարհում առաջինն էր, որը ստեղծվել է ամբողջությամբ արհեստական բանականության միջոցով, հայտնում է The Guardian-ը։
Թերթի գլխավոր խմբագիր Կլաուդիո Սերազան բացատրել է, որ փորձի նպատակն է ցույց տալ արհեստական բանականության տեխնոլոգիաների ազդեցությունը ժամանակակից լրագրության վրա։ Ըստ նրա՝ նախագծի շրջանակում լրագրողները միայն հարցերն են տվել արհեստական բանականությանը և ստուգել պատասխանները, մինչդեռ նեյրոնային ցանցը ստեղծել է հոդվածներ՝ առանց ակնհայտ քերականական սխալների:
Չորս էջանոց համարը հասանելի է տպագիր և առցանց տարբերակով: Դրանում չկան ավանդական լրագրությանը բնորոշ անձնական կարծիքներ, խորը վերլուծություն կամ հարցազրույցներ: Նյութերը պարզ ու հասկանալի հոդվածներ են, որոնք չեն պարունակում մարդկանց ուղղակի մեջբերումներ։
Հատուկ համարում կարելի է գտնել հոդվածներ «Իտալական թրամփիստների պարադոքսի», ՌԴ նախագահ Վլադիմիր Պուտինի և նրա չկատարված քաղաքական խոստումների, ինչպես նաև Իտալիայի տնտեսության բարեփոխումների, եկամտահարկի փոփոխության և 750,000 աշխատողների աշխատավարձերի բարձրացման մասին։
