Ուիտկոֆ. Իրանին ուղղված մեր ազդանշանն է՝ եկեք տեսնենք՝ կարո՞ղ ենք երկխոսության միջոցով արդյունքի հասնել
ՄԻՋԱԶԳԱՅԻՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հնարավոր նոր միջուկային գործարքի առիթով ԱՄՆ նախագահ Դոնալդ Թրամփի դիմումը Իրանի բարձրագույն առաջնորդ այաթոլլա Ալի Խամենեիին, ռազմական գործողություններից խուսափելու փորձ է, կիրակի օրը Fox News-ին է հայտարարել ԱՄՆ հատուկ բանագնաց Սթիվ Ուիտկոֆը։
«Մեզ պետք չէ ամեն ինչ ռազմական ճանապարհով լուծել,- ասել է նա։- Իրանին ուղղված մեր ազդանշանն է՝ եկեք նստենք ու տեսնենք՝ կարո՞ղ ենք երկխոսության ու դիվանագիտության միջոցով հասնել անհրաժեշտ արդյունքի։ Եթե կարողանանք, պատրաստ ենք դա անել։ Իսկ եթե չկարողանանք, ապա այլընտրանքը լավագույնը չէ»:
Ավելի վաղ Ուիտկոֆը լրագրող Թաքեր Կարլսոնին տված հարցազրույցում խոսել էր Դոնալդ Թրամփի՝ Իրանին ուղղած նամակի մոտավոր բովանդակության մասին։
Ըստ նրա, Թրամփը նամակը գրել է ոչ թե նրա համար, որ թույլ է, այլ այն պատճառով, որ չի ցանկանում ռազմական գործողության դիմել։
«Նամակում մոտավորապես ասվում էր՝ ես խաղաղության նախագահ եմ։ Սա այն է, ինչ ես ուզում եմ: Մենք ռազմական ուղով գործելու պատճառ չունենք։ Մենք պետք է խոսենք։ Մենք պետք է վերացնենք թյուրիմացությունները։ Մենք պետք է ստեղծենք ստուգման ծրագիր, որպեսզի ոչ ոք չանհանգստանա, որ ձեր միջուկային նյութը կարող է որպես զենք օգտագործվել: Եվ ես կուզենայի, որ հենց այդպես լիներ, քանի որ այլընտրանքն այնքան էլ լավը չէ»։
Դա մոտավորապես այն է, ինչ ասվել է, մոտավորապես», - պատմել է Ուիտկոֆը:
