Բաքու-Թբիլիսի-Կարս երկաթուղին՝ կմիանա Նախիջևանի հետ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իգդիրի և Նախիջևանի միջև երկաթուղային նախագիծն արդեն իրականացման փուլում է, որը հետագայում ինտեգրվելու է Բաքու-Թբիլիսի-Կարս (ԲԹԿ) երկաթգծին։

Դրա մասին Report-ին տված հարցազրույցում հայտնել է նախագծի ղեկավար Օսման Բեսերեկը։

Նա նշել է, որ Նախիջևան-Իգդիր երթուղին կնվազեցնի Կարս ճանապարհորդության ժամանակը շուրջ 85 րոպեով, իսկ Բաքու-Թբիլիսի-Կարս երկաթուղու հետ ինտեգրումը կնպաստի Եվրոպայի և Ասիայի միջև առևտրային հարաբերությունների զարգացմանը և նոր հեռանկարներ կստեղծի միջազգային բեռնափոխադրումների համար:

Ի վերջո, Կենտրոնական Ասիայի և Եվրոպայի միջև տարանցման ժամանակը 18 օրից կնվազի և կհասնի մինչև 12 օրվա:

Ծրագրի շրջանակում Թուրքիայում կկառուցվեն 5 նոր երկաթուղային կայարաններ՝ Դիգորայում, Թուզլուջայում, Իգդիրում, Արալիկում և Դիլուջուում։ Ներկայում աշխատանքների հիմնական մասն իրականացվում է Իգդիրում։

Կարսի-Իգդիրի-Նախիջևան երկաթուղային գծի երկարությունը կկազմի մոտ 224 կմ։ Իգդիրում արդեն կազմակերպվում է առաջին շինարարական բազան, որի ավարտից հետո անմիջապես կսկսվի երկաթուղու շինարարությունը։

Երկուղի երկաթուղային երթուղին ամբողջությամբ էլեկտրիֆիկացված կլինի և կահավորված կլինի ազդանշանային սարքավորումներով: Ծրագիրը նախատեսվում է իրականացնել հինգ տարում։

Ծրագիրը կներառի 2800 մետր ընդհանուր երկարությամբ 3 վիադուկտի (ուղեկամրջի) և 11,3 կմ ընդհանուր երկարությամբ 5 թունելների, ինչպես նաև 10 կամուրջների կառուցում։ Տեղադրվելու է 480 ջրատար, 145 ստորգետնյա և 27 վերգետնյա անցում, ինչպես նաև 19 փակվող և բացվող անցումներ։ Շատ տեղամասերում կենթարկվեն հողի ամրացման և այլ հողային աշխատանքներ:

Ըստ Օսման Բեսերեկի՝ «Կարս-Իգդիր-Նախիջևան երկաթգիծը Զանգեզուրի միջանցքի մի մասն է և ոչ միայն Թուրքիան կապելու է Ադրբեջանի հետ, այլև դառնալու է աշխարհի տրանսպորտային և առևտրային ուղիների հիմնական զարկերակներից մեկը»։

Գործարկումից հետո երկաթուղային գծով գնացքները կշարժվեն մինչև 160 կմ/ժ արագությամբ, հայտնում է JNews-ը։

 Հետևեք մեզ՝ այստեղ