Ալյասկայում օդաչուն և 2 դուստրերը ողջ են մնացել՝ ավիավթարից հետո 12 ժամ անցկացնելով լիճը ընկած օդանավի թևի վրա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օդաչուն և նրա մանկահասակ դուստրերը ողջ են մնացել սառած լճի մեջտեղում՝ ինքնաթիռի թևի վրա 12 ժամ անցկացնելուց հետո:

Նրանք հրաշքով փրկվել են որոնողական աշխատանքների արդյունքում։

Այս մասին հայտնում է այս մասին հաղորդում է The Associated Press-ը՝ նշելով, որ ինքնաթիռը կործանվել  և մասամբ սուզվել է Ալյասկայի սառցե լճում։

Մարտի 24-ին Ջոն Մորիսը սոցիալական ցանցերում խնդրել է օգնել գտնել որդուն և թոռներին, ովքեր չեն վերադարձել կիրակնօրյա զբոսանքից: Գրառումը չէր վրիպել օգտատեր Թերի Գոդեսի ուշադրությունից:

Մարտի 24-ի առավոտյան մոտ մեկ տասնյակ օդաչուներ, ներառյալ Գոդեսը, դուրս են եկել՝ իրականացնելու որոնողական աշխատանքներ: Աղետի ազդանշանի բացակայությունը բարդացրել է ինքնաթիռի որոնումները, սակայն փրկարարները բջջային հեռախոսի ազդանշան են նկատել, որը եկել է Կենայ թերակղզու Տուստումենա լճի տարածքից։

Գոդեսը շարժվել է դեպի Տուստումենա լճի սառցադաշտի ուղղությամբ և նկատել է օդանավի բեկորները:

«Սիրտս կոտրվեց, երբ տեսա բեկորները, բայց երբ ավելի մոտեցա, նկատեցի, որ թևի վրա երեք մարդ կա: Շարունակեցի մոտենալ, և հրաշք էր՝ նրանք կենդանի էին, արձագանքում էին և շարժվում»,- The Associated Press-ին տված հարցազրույցում պատմել է նա:

Հայրն ու երեխաները տեղափոխվել հիվանդանոց: Վթարի պատճառների մասին տեղեկություններ չեն հաղորդվում։

 Հետևեք մեզ՝ այստեղ