Ինչու չեք հասնում ձեր նպատակներին. ահա միակ պատճառը

Wnews.am-ը գրում է.

«Ես երազում եմ երթեւեկել «Ռոլս Ռոյս»-ով, սեփական նավի վրա երեկույթներ կազմակերպել եւ լողավազանի մոտ պառկել՝ թանկարժեք շամպայնը ձեռքիս»։

Մարդկանց մեծամասնությունն իրենց իդեալական ապագան այսպես է պատկերացնում։ Դրա հետ մեկտեղ նրանք իսկապես ջանում են, վաստակում, սակայն նրանց միեւնույն է, չի կարելի հարուստ եւ հաջողակ համարել։ Նրանք բոլորը միեւնույն սխալն են անում։

Եթե մենք դիտարկենք, թե ինչպես են վարվում իսկապես ապահովված մարդիկ, կտեսնենք, որ նրանց կարեւոր գաղտնիքը ներդրումներն են։ Ներդրում սեփական անձի վրա, բիզնեսում եւ այդպես շարունակ։
Մտածելու երկու մեթոդ կա. փողը դիտարկել որպես միջոց, որը կարելի է ծախսել, կամ միջոց, որը կարելի է ներդնել ինչ-որ բանում։

Նույն կերպ կարելի է մտածել նաեւ մյուս հարթություններում։ Օրինակ.

Հունվարի 1-ին ձեր առջեւ նպատակ եք դնում նիհարել տասը կգ-ով, որպեսզի լողափում անզուգական տեսք ունենաք։

Հունվարի 2-ին գրանցվում եք մարզասրահում։ Մի ամբողջ ամիս դուք շաբաթական երկու անգամ մարզվում եք այնտեղ։

Հունվարի վերջին գիտակցում եք, որ մարզասրահի կտրոնը թանկ է, բացի այդ, բոլոր մարզված մարդկանց տեսքը ձեզ ճնշում է եւ զրկում հույսից եւ դուք, իրականում, թխվածք եք ցանկանում կամ պաղպաղակ եւ ահա փետրվարի 1-ից դուք վերադառնում եք ձեր նախկին կյանքին. բաղկաթոռին նստած, խմորեղենի սեղանի շուրջ սերիալներ եք դիտում եւ ժամանակ առ ժամանակ նկատում, որ հագուստը սեղմում է։

Մարդիկ հաճախ թերագնահատում են իրենց հնարավորությունները, երբ փորձում են «մեծ պատառ ունենալ »։ Չէ որ անսպասելի եւ արագ հաղթանակներն ավելի ցանկալի են։

Ինչ-որ բանի արագ հասնելով, կարելի է արագ կորցնել այն, քանի որ նպատակին հասնելու իրավիճակը, դադարում է վերահսկողության տակ մնալ։
Այդ պատճառով էլ ավելի լավ է կենտրոնանալ նրա վրա, որ անհրաժեշտ է ձեռք բերել փոքրիկ սովորույթներ, քան փորձել նպատակին միանգամից հասնել։
Սա ներդրում է սեփական անձի մեջ։ Սովորությունների հետ դուք կսկսեք մտածել վերահսկողության մասին։

Սովորություն ձեւավորելն էլ երկար է, ձանձրալի եւ ծանր։ Բացի այդ, չկա կոնկրետ նպատակ, որը վառում է ամեն գնով կոնկրետ նշվածին հասնելու ցանկությունը։ Եթե այդպես եք մտածում, ապա պետք է գիտակցեք, որ սովորությունները մեծ առավելություն են հետագայի համար։

Wnews.am-ն առանձնացրել է հինգ ամենօրյա կառուցողական սովորույթները.
1. Ֆիզիկական վարժություններ
2. Առողջ սնունդ
3. Մեդիտացիա
4. Ընթերցանություն
5. Սոցիալականություն։

Սա կատակ չէ. պետք է ունենալ որոշակի սովորություններ, որպեսզի մեր ընկերական, ընտանեկան եւ անձնական հարաբերությունները հասցնենք մի իրավիճակի, որ երբ անհրաժեշտ լինի, կարողանանք դրանք փրկել, իսկ այդպես հաճախ է պատահում։

Այժմ հասկանում եք, թե ինչու են ձեր շատ ծրագրեր անհաջողության մատնվել։ Գործեք նոր սկզբունքներով. ներդրումներ արեք ինքներդ ձեր մեջ։

Վերջին խորհուրդը, որը բոլորին կօգնի. նպատակներին հասնելու համար անորոշ ժամկետներ մի սահմանեք։ Սահմանեք ավելի կոնկրետ ժամկետներ. օրինակ 30 օր։  Հենց  30 օրվա ընթացքում էլ գործողություններն ավտոմատ են դառնում։