«Սուրե՛ն, շատ դժվար է քեզ հետ». բեմից հայտարարեց երկրորդ պլանի լավագույն կին դերակատար Թեհմինե Խաչատրյանը
ԼԱՅՖ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Ուշ լինի, նուշ լինի»,- «Արտավազդ» մրցանակաբաշխության ժամանակ՝ Սուրեն Շահվերդյանի «Փող: Կիրք: Իշխանություն» ներկայացման համար ստանալավ «Երկրորդ պլանի լավագույն կին դերակատար» արվանակարգում մրցանակը՝ բեմահարթակից ասաց դերասանուհի Թեհմինե Խաչատրյանը:
«Իմ ստեղծագործական ողջ կյանքի ընթացքում, որը 20 տարուց ավելի է, ես 8-րդ անգամ էի նոմինացվել, բայց սա իմ առաջին «Արտավազդ»-ն է:
Շնորհակալ եմ իմ խաղընկերներին՝ «Փող: Կիրք: Իշխանություն» ներկայացման մեջ իմ 2 հիանալի ամուսիններին՝ Մանվել Խաչատրյանին և Կորյուն Համբարձումյանին և ամբողջ թիմին:
Շնորհակալ եմ Մարիաննա Մխիթարյանին, ով ավագ քրոջ նման միշտ իմ կյանքում հայտնվում է այն ժամանակ, երբ ինձ շատ պետք է ու ձեռքս բռնած տանում է առաջ:
Շնորհակալ եմ Սուրեն Շահվերդյանին, ում հետ սա մեր 4-րդ համատեղ աշխատանքն էր: Սուրե՛ն, բայց շատ դժվար է քեզ հետ...»- կատակելով ասաց Թեհմինե Խաչատրյանն ու հավելեց.
«Ես համարում եմ, որ Սուրենի հետ աշխատելը դերասանի համար ուղղակի երազանք է»:
Ավելի վաղ, Tert.am Life-ն անդրադարձել էր 24-րդ «Արտավազդ» մրցանակաբաշխության հաղթողներին:
Հիշեցնենք՝ Ստանիսլավսկու անվան ռուսական դրամատիկական թատրոնի «Փող: Կիրք: Իշխանություն» ներկայացումը ստացել է 4 մրցանակ:
