Խնածախում անհանգիստ են․ Ադրբեջանը կրшկել է բնակելի հատվածի ուղղությամբ, տուն է վնասվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Խնածախում գիշերն անհանգիստ է եղել։ Մարտի 20-ից սկսած ադրբեջանական կողմի հրադադարի ռեժիմի ամենաերկար ու ինտենսիվ խախտումը, ըստ Խնածախ գյուղի բնակչի, տեղի է ունեցել երեկ։

Կարոյի խոսքով՝ մարտի 30-ին, ժամը 11-ի սահմաններում սկսված կրակը դադարել է լուսադեմին՝ ժամը 04:00-ի սահմաններում։ 

«Մեր տունը գտնվում է գյուղի ծայրամասում, նոր եմ դուրս գալիս գյուղամեջ տեսնեմ՝ ո՞ւմ տունն են վնասել։ Ամբողջ գիշեր չենք քնել, շատ են կրակել, որի թիրախում եղել է գյուղը»,- MediaHub-ի հետ զրույցում ասում է մեր զրուցակիցը։

Մեր ունեցած տեղեկություններով, ադրբեջանական ագրեսիայի հետևանքով վնասվել է Խնածախի վարչական ղեկավար Սեյրան Միրզոյանի տունը։ Վնասվել են տան պատն ու պատուհանը, պարկուճը հայտնվել է տան մեջ:

Սյունիքի սահմանամերձ բնակավայրերում խաղաղ բնակչությունն ադրբեջանական զինուժի ուղիղ նշանառության տակ են։ Մարդիկ փորձում են խուճապահար չլինել, բայց գյուղի դպրոցի ուսուցչուհիներից մեկը MediaHub-ին ասաց, որ գիշերվա կրակահերթերը՝ անհանգստացնող են։ 

«Ճիշտ  է, եկել ենք դասի, բայց տրամադրություն չունենք։ Աշակերտների մոտ փորձում ենք չկոտրվել, չհանձնվել, բայց մինչև ե՞րբ։ Մեծից փոքր բոլորի խոսակցության թեման արդեն ամենօրյա դարձած կրակոցներն են։ Եթե առաջ ձայները միայն լսում էինք, ապա հիմա փամփուշտները թափվում են մեր գլխին։ Բա ո՞ր մարդ վնասված լիներ»,- անհանգստանում է ուսուցչուհին։

Հիշեցնենք, այսօր ՀՀ պաշտպանության նախարարությունը հայտնել է, որ մարտի 31-ին՝ ժամը 00:50-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել է բնակելի տուն:

Հայտարարությանը կից ռազմական գերատեսչությունը նաև լուսանկարներ է հրապարկել։

Տուժածներ չկան:

 Հետևեք մեզ՝ այստեղ