25-ամյա կնոջ մահվան մեջ հարազատները մեղադրում են Արտաշատի հիվանդանոցի բժիշկներին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նախօրեին Երեւանի «Արմենիա» ԲԿ-ում մահացած 25-ամյա Սիլվա Գ.-ի հարազատները կատարված ողբերգության մեջ մեղադրում են Արտաշատի բժշկական կենտրոնի բժիշկներին:

Shamshyan.com-ի հետ զրույցում կնոջ եղբայրն ասել է, որ քույրը մահացել է բժիշկների կողմից սխալ դեղորայք ներարկելու պատճառով։

«Քույրս 6 տարի ստացել է դիալեզ, քանի որ երիկամների խնդիր ուներ։ Շաբաթ օրը հերթական անգամ գնացել է Արտաշատի հիվանդանոց դիալեզ ստանալու, սակայն կեսից վատացել է և զանգեցին մեզ, ասեցին եկեք տարեք տուն։ Տուն բերելուց 1 ժամ հետո նկատեցինք, որ իրեն լավ չի զգում և շտապօգնություն կանչեցինք։ Եկան, ճնշումը չափեցին ու պարզվեց, որ շատ բարձր է, սրտխառնոցի դեղ ներարկեցին ու գնացին։ Հենց բժիշկները գնացին, վիճակը սկսեց ավելի վատանալ և նորից շտապօգնություն կանչեցինք, էլի նույն բրիգադը եկավ ու տեղափոխեցին Արտաշատի հիվանդանոց: Արդեն այնտեղ նորից վատացավ, պահանջեցին դեղ տանենք, քանի որ իրենք չունեին, բերեցինք 4-5 հատ սրտխառնոցի դեղ էլի ներարկեցին, որն էլ հետագայում պարզվեց, որ իրեն չէր կարելի։ Այդտեղ ամբողջ գիշեր պահել են և առավոտյան ժամը 6-ին տեղափոխել են «Արմենիա» բժշկական կենտրոն, որտեղ երեկ երեկոյան ժամը 22։00-ին մահացել է։ Այնտեղի բժիշկը մեզ ասաց, որ այդ դեղորայքը Արտաշատում պետք է չներարկեին, քանի որ չէր կարելի կոմայի մեջ գտնվող հիվանդին նման դեղորայք ներարկել։ Մենք հույս ունենք, որ մեղավոր բժիշկը կպատժվի, քանի որ վստահ ենք, որ եթե Սիլվան Արտաշատի հիվանդանոցում ճիշտ բուժում ստանար, ապա կյանքը կփրկվեր»,- ասել է նա։

 Հետևեք մեզ՝ այստեղ