ՊԱՏՄՈՒԹՅԱՆ ԱՅՍ ՕՐԸ (1 ԱՊՐԻԼԻ). Սպասք լվացող առաջին ավտոմատ մեքենան, առաջին տրոլեյբուսը, լուծվող սուրճի առաջին ցուցադրությունը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Թռչունների համաշխարհային օր, Երգիծանքի և հումորի համաշխարհային օր, ՀաբՆիսան՝ ասորական Նոր տարի, Իրան՝ Իրանի Իսլամական Հանրապետության օր, Կիպրոս՝ Կիպրոսի ազգային օր, Մալթա՝ Անգլիական ռազմաբազայի փակման կամ Ազատության օր, Սան Մարինո՝ Ազգային օր, ՀԱՀ՝ Ընտանիքի օր, Ճապոնիա՝ Միյակո օդորի (պարի գարնանային փառատոն)։

ՀԱՅ-ՀԱՅԱՍՏԱՆ

1657 –ծնվել է հնագույն գրիչ Ավետիք Եվդոկացին։

1878 – ծնվել է գրող Արազին (Մովսես Հարությունյան)։

1904- սկսվել է Սասունի վրա օսմանյան ուժերի հարձակումը հյուսիսից և հարավից: Նրանց դիմակայել են Հրայրի և Գևորգ Չաուշի ուժերը, սակայն ստիպված նահանջել են Տալվորիկ:

1909- Ադանայի իշխանությունների կարգադրությամբ թուրքերը ներխուժել են քաղաքի հայկական թաղամասեր և սկսել կոտորածն ու թալանը: Ջարդարարների զոհ են դարձել հիմնականում կանայք, երեխաները և ծերունիները:

1920- սկսվել է Հաճընի հերոսամարտը՝ Հաճըն քաղաքի ինքնապաշտպանական մարտերը թուրքական զորքերի դեմ։

1920–ծնվել է ականավոր բանասեր, լեզվաբան Գևորգ Ջահուկյանը։

1930- ծնվել է անվանի դերասան և ռեժիսոր Խորեն Աբրահամյանը։

1932 –ծնվել է հայկական ծագմամբ ֆրանսիացի կոմպոզիտոր Ժորժ Կարվարենցը։

2002- վախճանվել է «Արարատի» «ոսկե կազմի» կենտրոնական պաշտպան Ալեքսանդր Կովալենկոն:

2009-ըստ «Գազպրոմի» և «Հայռուսգազարդի» միջև կնքված պայմանագրի, Ռուսաստանից Հայաստան ներկրվող գազի գինը դարձել է 154 ԱՄՆ դոլար 1000 խորանարդ մետրի համար` գործող 110-ի փոխարեն. Հայաստանում ուժի մեջ են մտել կոմունալ ծառայությունների՝ բնական գազի, էլեկտրաէներգիայի և ջրի նոր՝ ավելացած սակագները։

2010- Հանրային ծառայությունները կարգավորող հանձնաժողովը որոշել է, որ բնակչության կողմից սպառվող գազի 1 խորանարդ մետրը դառնում է 132 դրամ՝ գործող 96-ի փոխարեն։

2016 – սկսվել է Քառօրյա պատերազմը՝ լայնամասշտաբ ռազմական գործողությունները Արցախի Հանրապետության պաշտպանության բանակի և Ադրբեջանի Հանրապետության զինված ուժերի միջև արցախաադրբեջանական շփման գծի ողջ երկայնքով։

2020- Արցախի ԿԸՀ-ն հրապարակել է նախագահական ընտրությունների նախնական արդյունքները, ըստ որոնց, անցկացվելու է ընտրությունների երկրորդ փուլ Արայիկ Հարությունյանի և Մասիս Մայիլ յանի միջև:

2022- ԱԻ նախարար Անդրանիկ Փիլոյանը ազատվել է զբաղեցրած պաշտոնից, նրան կաշառակերության մեղադրանք է առաջադրվել:

ԱՇԽԱՐՀ

313 – վախճանվել է հռոմի կայսր Դիոկլետիանոսը։

568 -լանգաբորդները սկսել են իրենց ներխուժումը Իտալիա։

1778 -նորօռլեանցի գործարար Օլիվեր Պոլլակը մտահղացել է դոլարի նշանը՝ $։

1809 -ծնվել է ռուս դասական գրող Նիկոլայ Գոգոլը։

1815 - ծնվել է Գերմանիայի առաջին կանցլեր Օտտո ֆոն Բիսմարկը։

1873 –ծնվել է ռուս կոմպոզիտոր Սերգեյ Ռախմանինովը։

1875 -անգլիական «Թայմս» օրաթերթը դարձել է աշխարհում առաջին պարբերականը, որը հրապարակել է շաբաթական եղանակի տեսությունը։

1889 -Չիկագոյում վաճառքում հայտնվել է սպասք լվացող առաջին ավտոմատ մեքենան, որը ստեղծել էր Ջոզեֆինա Կոկրեյնը։

1890- բելգիացի Շառլ Վան Դեպուլեն ԱՄՆում արտոնագրել է առաջին տրոլեյբուսը։

1891 -նկարիչ Պոլ Գոգենը Մարսելից ուղևորվել է Հաիթի։

1901 -տեղի է ունեցել 20-րդ դարի ամենախոշոր նավաբեկություններից մեկը՝ թուրքական «Ասլանա» նավը Կարմիր ծովում խորտակվել է՝ բախվելով ստորջրյա քարերին. զոհվել է 180 մարդ։

1922 -վախճանվել է Ավստրո-Հունգարիայի կայսր Կարլ 1-ինը։

1924 -Անտուան դը Սենթ Էքզյուպերին հրատարակել է իր առաջին պատմվածքը՝ «Օդաչուն»։

1933 -նացիստական Գերմանիայում տեղի է ունեցել հրեական ընկերությունների և խանութների համազգային մեկօրյա բոյկոտ։

1937 -Բիրման անկախացել է Հնդկաստանից։

1938 - Շվեյցարիայում տեղի է ունեցել լուծվող սուրճի առաջին ցուցադրությունը։

1939 -Ֆրանկոն հայտարարել է իր լիակատար հաղթանակի մասին, ավարտվել է Իսպանիայի քաղաքացիական պատերազմը։

1940 -Նյու Ջերսիում առաջին անգամ ցուցադրել են էլեկտրոնային միկրոֆոնը։

1967- Մոսկվայում տեղի է ունեցել «Կովկասի գերուհին» սիրված ֆիլմի պրեմիերան։

1969 -Չինաստանի կոմկուսի 9-րդ համաժողովը հայտարարել է «կուլտուրական հեղափոխության» ավարտը։

1976– Սթիվ Ջոբսը և Սթիվ Վոզնյակը հիմնել են համակարգիչներ և այլ տեխնիկա արտադրող ամերիկյան «Apple» ընկերությունը։

1979 -Իրանում կայացել է հանրաքվե, ըստ որի, հայտարարվել է Իրանի Իսլամական Հանրապետության ստեղծումը։

1991 -չեղարկվել է Վարշավյան համաձայնագիրը։

2001 -Հոլանդիայում գրանցվել է աշխարհում առաջին միասեռ ամուսնությունը։

2004 - Գուգլն ակտիվացրել է Gmail էլեկտրոնային փոստային ծառայությունը։

2009– Խորվաթիան և Ալբանիան մտել են ՆԱՏՕ-ի կազմ։

2024- Իսրայելը ավիահարված է հասցրել Սիրիայի մայրաքաղաք Դամասկոսում գտնվող իրանական դեսպանատանը, զոհվել է 16 մարդ, այդ թվում՝ իրանցի բրիգադային գեներալ Ռեզա Զահեդին:

Մանրամասները՝ «Փաստ» օրաթերթի այսօրվա համարում