Գույքահարկը պետության և անհատի փոխհարաբերությունները կարգավորող հարկատեսակներից մեկն է, բայց այն պետք է լինի ողջամտության սահմանում. ՀայաՔվե
ԲԼՈԳ
Փոփոխությունները միտված են 2026-27թթ–ին Երևան համայնքի բյուջեն ներկա 8 մլրդ դրամի փոխարեն արդեն 40 մլրդ դրամ հավաքագրելուն։ Իհարկե, լավ է, որ համայնքի բյուջեն աճում է, բայց մենք պետք է նաև հարց տանք` այս գումարի տնօրինումն ո՞վ է իրականացնում։ Եթե դրանով ձեռք է բերվելու քաղաքապետի համար ամերիկյան ուղևորության ինքնաթիռի 20 000 դոլարանոց տոմս, իհարկե, մենք դեմ ենք, որ գույքահարկն աճի:
Մինչև 10 մլն շուկայական և կադաստրային մոտարկված արժեք ունեցող անշարժ գույքի գույքահարկը կարժենա տարեկան 5 000 դրամ, 10-25 մլն արժողությամբ գույքինը` 20 000 դրամ, 25-47 մլն արժեք ունեցող անշարժ գույքինը` 64 000 դրամ, 47-75 մլն արժեցող անշարժ գույքինը` 176 000 դրամ, 75-100 միլիոն արժեք ունեցողինը` 326 000 դրամ, 100 մլն դրամից ավելի արժողությամբ գույքը` 326 000 դրամ + 100 մլն դրամը գերազանցող արժեքի 1 տոկոսը:
