Գողության դեպք՝ Երևանում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

SHAMSHYAN.com-ի տեղեկություններով՝ մարտի 28-ին գողության դեպք է տեղի ունեցել Երևանում։ Ժամը 04։10-ի սահմաններում ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 3-րդ գումարտակի 2-րդ վաշտի պարեկները Դավիթաշեն վարչական շրջանում ծառայություն իրականացնելու ժամանակ Աշտարակի խճուղում ստուգման նպատակով կանգնեցրել են «ՎԱԶ-2107» մակնիշի ավտոմեքենա, որի փաստաթղթերի ստուգման ընթացքում վարորդը դրսևորել է տարօրինակ պահվածք։

Ինչպես հայտնում է ֆոտոլրագրող Գագիկ Շամշյանը, պարեկները պահանջել են վարորդից ցույց տալ ավտոմեքենայի շարժիչի հատվածը, որտեղ նկատել են 2 հատ փաթեթավորված, իսկ ավտոմեքենայի առջևի նստատեղի տակի հատվածում ևս մեկ հատ տրանսպորտային միջոցների էլեկտրական աշխատանքը համակարգող սարք (мозг):

Գ․ Շամշյանի տեղեկություններով՝ վարորդը և նրա ուղևորը գողություն կատարելու հիմնավոր կասկածով ձերբակալվել և նշված ավտոմեքենայով հանդերձ տեղափոխվել են ՀՀ ՆԳՆ ոստիկանության համայնքային ոստիկանության գլխավոր վարչության Դավիթաշենի բաժին, որտեղ պարզվել է, որ վարորդը հանդիսանում է Սյունիքի մարզի բնակիչ 30-ամյա Դավիթ Հ․-ն, իսկ ուղևորը՝ Սյունիքի մարզի բնակիչ 35-ամյա Դավիթ Ղ․-ն:

ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչության ծառայողները ՊԾ Երևան քաղաքի գնդի 3-րդ գումարտակի 2-րդ վաշտի պարեկների հետ համատեղ ձեռնարկված միջոցառումներով պարզել են, որ մարտի 28-ին՝ ժամը 03։20-ից մինչև 04։00-ն ընկած ժամանակահատվածում Ֆուչիկի փողոց 29/2 հասցեից գողացել են «Մեծն Էրիկ» ՍՊԸ-ին պատկանող «Hyundai» և «KOMATSU PC400» մոդելի թրթուրավոր էսկավատորների էլեկտրական համակարգը կարգավորող սարքերը՝ ընկերությանը պատճառելով մոտ 3 մլն դրամի գույքային վնաս:

Դեպքի փաստով ոստիկանության Դավիթաշենի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին:

 Հետևեք մեզ՝ այստեղ