Թուրքիան, Ադրբեջանը, Բուլղարիան և Վրաստանը հուշագիր են ստորագրել «կանաչ էներգիայի մասին»
ՄԻՋԱԶԳԱՅԻՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Թուրքիան, Ադրբեջանը, Բուլղարիան և Վրաստանը փոխըմբռնման հուշագիր են ստորագրել «Կանաչ էլեկտրաէներգիայի փոխանցում և առևտուր» ծրագրի շրջանակում։
Թուրքիայի էներգետիկայի և բնական պաշարների նախարար Ալփարսլան Բայրաքթարը X սոցիալական ցանցում իր գրառման մեջ նշել է, որ Ադրբեջանի էներգետիկայի նախարար Փերվիզ Շահբազովը, Բուլղարիայի էներգետիկայի նախարար Ժեչո Ստանկովը և Վրաստանի էկոնոմիկայի նախարար Վախթանգ Ցինցաձեն առաջին կոնկրետ քայլն են արել «Կանաչ էներգիայի փոխանցում և առևտուր» ծրագրի շրջանակում։ Բազմակողմ գործընթացն ամրապնդվել է փոխըմբռնման հուշագրի ստորագրմամբ։
«Այս նախագծի շնորհիվ, որի հիմքը մենք դրեցինք անցյալ տարի՝ Ստամբուլի էներգետիկ ֆորումում, չորս երկրները միմյանց կկապվեն էլեկտրահաղորդման նոր գծերով, հնարավոր կդառնան վերականգնվող էներգիայի աղբյուրներից արտադրվող էլեկտրաէներգիայի միջսահմանային փոխանցումը և առևտուրը։
Երբ ծրագիրն ավարտվի, էլեկտրահաղորդման համակարգերը կարդիականացվեն, արտադրական ենթակառուցվածքները կգործեն ավելի արդյունավետ, և կբարելավվի էներգամատակարարման անվտանգությունը: Այս ռազմավարական համագործակցությունը զգալի ներդրում կունենա տարածաշրջանի էներգետիկ ապագայում՝ կայունության, արդյունավետության և ներառման ոլորտներում: Մաղթում եմ, որ համաձայնագիրը շահավետ լինի մեր երկրի և բոլոր կողմերի համար»,- գրառման մեջ նշել է թուրք նախարարը։
Հետևեք մեզ՝ այստեղ
