Այսօր համացանցի օրն է․ ե՞րբ է ձևավորվել այն
ՀԱՍԱՐԱԿՈՒԹՅՈՒՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
21-րդ դարում համացանցը մեծ նշանակություն ունի յուրաքանչյուրիս կյանքում։ Եթե այսօր չլիներ համացանցը, ապա մենք կդժվարանայինք շփվել իրար հետ, տեղեկանալ աշխարհում կատարվող նորություններից և պարզապես հնարավոր է, որ շատերի համար էլ կյանքը ձանձրալի լիներ։
Քչերին է հայտնի, բայց համացանցն ունի նաև իր միջազգայն օրը։ Այսօր՝ ապրիլի 4-ը, համացանցի միջազգային օրն է։
ArmLur.am-ը ներկայացնում է համացանցի և օրվա նշանակության մասին։
Համացանցը սկսել է ձևավորվել դեռ 1960-ական թվականներին և ոչ ոք պատկերացում չէր կարող ունենալ, որ այն գրավելու է ամբողջ աշխարհի յուրաքանչյուր անկյուն։
Այն ցանց է, որը բաղկացած է տեղական և համաշխարհային մակարդակի մասնավոր, հանրային, ակադեմիական, գործարար և կառավարական ցանցերից, որոնք միացված են էլեկտրական, անլար և օպտիկական ցանցային տեխնոլոգիաների լայն տիրույթներով։ Համացանցը սպասարկում է տեղեկատվական ռեսուրսների և ծառայությունների լայն տիրույթի, ինչպիսիք են համաշխարհային սարդոստայնի (World Wide Web) փոխկապակցված հիպերտեքստային փաստաթղթերը և հավելվածները, էլեկտրոնային փոստը, հեռախոսակապը և ֆայլերի կիսումը։
Ինչ վերաբերում է համաշխարհային սարդոստայնին, ապա հստակորեն պետք է տարբերել համացանցն ու համաշխարհային սարդոստայնը, քանի որ դրանք նույն բաները չեն, չնայած այն հանգամանքին, որ մշտապես տարվում են զուգահեռներ։
1990-ականների սկզբին ժամանակակից համացանցի սկիզբը դրվեց առևտրային ցանցերին ձեռնարկությունների միացումով, և հիմնարկային, անձնական ու բջջային հեռախոս համակարգիչների միացումը այդ ցանցին նպաստեց վերջինիս արագ աճին։ 2000-ականների վերջին համացանցային ծառայությունները և տեխնոլոգիաները ներառվել են մարդկային կյանքի գրեթե բոլոր ոլորտներում։
Համացանցի ի հայտ գալուց հետո ժամակի ընթացքում կապի մնացած միջոցները՝ բջջային հեռախոսները, ռադիոն, հեռուստատեսությունը, թղթային փոստը, թերթերը և այլն, զիջեցին իրենց տեղը։
Համացանցը տեխնոլոգիական իրականացման կամ հասանելիության և օգտագործման քաղաքականությունում չունի կենտրոնացված կառավարում, յուրաքանչյուր բաղադրիչ ցանց ստեղծում է իր սեփական քաղաքականությունը։
Համացանցին օգտագործողների հասանելիության ընդհանուր միջոցները ներառում են dial-up կապը համակարգչային մոդեմների հետ հեռախոսային ցանցերով, լայնաշերտ կապ կոխական մալուխով, օպտիկամանրաթելային կամ պղնձյա լարերով, Wi-Fi -ով, արբանյակային և բջջային հեռախոսի տեխնոլոգիաներով (3G, 4G): Համացանցից հաճախ հնարավոր է օգտվել գրադարանների համակարգիչներից և համացանցային կապով սրճարաններից։ Համացանցային հասանելիության հանգույցներ կան շատ հասարակական վայրերում, ինչպիսիք են օդանավակայանների սրահները և համացանցային կապով սրճարանները։
Ներկայացնում ենք նաև ամենաշատ օգտատեր ունեցող 5 հարթակները։
Առաջին հորիզոնականում, բնականաբար, ֆեյսբուք սոցիալական հարթակն է։
Ֆեյսբուքին հաջորդում է յութուբը, հետո վաթսափ հավելվածը, հետո ինսթագրամը։
Հինգերորդ տեղում էլ վի չեթ հավելվածն է։
Օրինակ 16-24 տարեկան իգական սեռի ներկայացուցիչների շրջանում ամենաշատն օգտագործվում է ինստագրամը, նույն տարիքի արական սեռի ներկայացուցիչների շրջանում ևս ինստագրամն է առաջատարը։
Չնայած համացանցի տված լայն հնարավորություններին, պետք է հիշել, որ այն հօգուտ մեզ պետք է օգտագործել և չվնասել շուրջը գտնվող անձանց։
Աննա Սրապիոնյան
Հետևեք մեզ՝ այստեղ
