Ի՞նչ հանգամանքներում է կախվել 40-ամյա հրուշակագործը․ նոր մանրամասներ՝ ողբերգական դեպքից
ՀԱՍԱՐԱԿՈՒԹՅՈՒՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Օրեր առաջ ողբերգական դեպք է տեղի ունեցել Հրազդան քաղաքում: Կախվելու միջոցով ինքնասպանություն էր գործել Հրազդանում հայտնի հրուշակագործ, «Միլի տորթեր» ապրանքանիշի հիմնադիր 40-ամյա Սյուզաննա Պողոսյանը։
Oragir.News-ին հայտնի էր դարձել, որ 40-ամյա հրուշակագործին կախելու մեջ կասկածվում է հարազատ եղբայրը, ով նաև այս պահին հետախուզման մեջ է։ Մեր աղբյուրը նաև նշել էր, որ պատճառը դավաճանությունն է։
«Ամուսնուն մի քանի անգամ դավաճանել է, դրա համար եղբայրը սպանել է։ Սյուզին նաև մայրական իրավունքից է զրկված եղել»,- հայտնեց մեր զրուցակիցը։
Ավելի ուշ Սյուզաննա Պողոսյանի ընտանիքի անդամները կապ հաստատեցին Oragir.News-ի խմբագրություն՝ հերքելով, որ հրուշակագործին եղբայրն է սպանել։ Նրանց խոսքով՝ Սյուզաննայի Պողոսյանի եղբայրը հետախուզման մեջ չէ և այժմ էլ ընտանիքի կողքին է։
Հիշեցնենք, որ Oragir.News-ը դեպքի հետ մանրամասներ ճշտելու նպատակով զրուցել էր Ջրառատի միջնակարգ դպրոցի տնօրեն, հրուշակագործի համագյուղացի Սաթենիկ Մուրադյանի հետ։
«Ես իրենից տորթեր պատվիրել եմ, բայց դեպքի հանգամանքերի մասին շատ տարբեր խոսակցություններ են պտտվում գյուղում։ Մեր գյուղի աղջիկ է եղել, երբեք չեմ պատկերացրել, որ կարող է ինքնասպանություն գործել։ Գիտեմ, որ աղջիկը շատ ծանր վիճակում տեղափոխվել է հիվանդանոց, դեղերի մեծ չափաբաժին է օգտագործել։ Ասում են, որ հենց աղջիկն է մորը կախված հայտնաբերել»,- պատմել էր նա։
Oragir.News-ը կապ էր հաստատել նաև ՀՀ քննչական կոմիտե, որտեղից մեզ հայտնել էին, որ դեպքի փաստով այս պահին նորություններ չկան։
«Ձերբակալված կամ այլ կարգավիճակով անձ այս պահին չկա։ Կատարվում են քննչական գործողություններ, դեպքի հանգամանքերը պարզելու ուղղությամբ»,- հայտնել էին ՔԿ-ից։
Հետևեք մեզ՝ այստեղ
