Ֆրանսիան խոստացել է Ադրբեջանին «կոշտ պատասխան» տալ
ՄԻՋԱԶԳԱՅԻՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ֆրանսիայի անդրծովյան տարածքների նախարար Մանուել Վալսը դատապարտել է «ապակայունացման նոր փորձերը»՝ Ադրբեջանի պետության կողմից աջակցվող կազմակերպության՝ Բաքվի նախաձեռնող խմբի նամակից հետո, որում առաջարկել Նոր Կալեդոնիայի ինստիտուցիոնալ ապագայի շուրջ բանակցություններում հանդես գալ իբրև միջնորդ:
«Հանդես գալով մեր միասնության դեմ ուղղված ապակայունացման այս փորձերին՝ Ֆրանսիան միշտ հաստատուն և կոշտ պատասխան կտա»,-ըստ Le Figaro-ի՝ հայտարարել է Վալսը։
Նա նաև նշել է, որ Ֆրանսիան չի ճանաչում Բաքվի նախաձեռնող խմբին, որն Ադրբեջանի տարածքից գործողություններ է իրականացնում՝ ուղղված «արտերկրում Ֆրանսիայի ռազմավարական շահերի դեմ»։
Վալսին ուղարկված նամակում Բաքվի խումբը հայտարարել է, որ առաջարկում է «նախաձեռնություն Ֆրանսիայի կառավարության և Կանակիի (անկախության շարժման կողմից Նոր Կալեդոնիային տրված անվանումը - խմբ.) միջև անաչառ միջնորդության նախաձեռնություն, որի նպատակն է նոր շունչ հաղորդել քննարկումներին և նպաստել դրանց»:
Ամիսներ շարունակ Փարիզը Բաքվին մեղադրել է Նոր Կալեդոնիայի և այլ անդրծովյան տարածքների գործերին միջամտելու և շահարկելու մեջ՝ երկու մայրաքաղաքների միջև լարվածության ֆոնին՝ Ադրբեջանի պատմական հակառակորդ Հայաստանին Ֆրանսիայի աջակցության պատճառով:
Հետևեք մեզ՝ այստեղ
