6 երկրների արվեստագետներ՝ մեկ բեմում. կայացավ «Փրայմ Թայմ» ներկայացման պրեմիերան Պարոնյան թատրոնում
ՄՇԱԿՈՒՅԹՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հակոբ Պարոնյանի անվան երաժշտական կոմեդիայի պետական թատրոնը և Մոսկվայի մյուզիքլի թատրոնը համատեղ իրականացրել են «Փրայմ Թայմ» մյուզիքլի բեմադրությունը՝ ներկայացնելով միջազգային ստեղծագործական համագործակցության եզակի օրինակ:
Նախագծի մեկնարկը պայմանավորված է երկու թատրոնների միջև ստորագրված մշակութային համագործակցության հուշագրով։
Ներկայացման գաղափարի հեղինակը մշակութային գործիչ, թատերագետ, Մոսկվայի մյուզիքլի թատրոնի գեղարվեստական ղեկավար Միխայիլ Շվիդկոյն է, ով բացառիկ իրավունքով Հակոբ Պարոնյանի անվան երաժշտական կոմեդիայի պետական թատրոնին է տրամադրել մյուզիքլի բեմադրության իրավունքը։
Նախագիծը վերածվել է լայնածավալ մշակութային համագործակցության՝ համախմբելով վեց երկրների արվեստագետների։
Մյուզիքլի սցենարը նորարարական և ինքնատիպ է՝ հատուկ մշակված տվյալ բեմադրության համար։
Բնօրինակ երաժշտությունը հեղինակել է կանադացի կոմպոզիտոր Մաքսիմ Լեպաժը։ Ներկայացումը ուղեկցվում է կենդանի նվագակցությամբ՝ դիրիժոր Կարեն Լավչյանի ղեկավարությամբ։
Նկարչական ձևավորումն իրականացրել է Վրաստանի Շոթա Ռուսթավելու անվան Ազգային թատրոնի բեմանկարիչ Աննա Նինուան, զգեստների ձևավորումը մոլդովացի դիզայներ Տատյանա Պոպեսկուն։
Նախագծին ներգրավված մասնագետները միջազգային փորձառություն ունեցող արվեստագետներ են, ովքեր մեծ պատասխանատվությամբ ու նվիրվածությամբ իրականացրել են աշխատանքները՝ համադրելով ժամանակակից թատերական միտումները տեղական մշակութային առանձնահատկությունների հետ։
Թատրոնների միջև ստորագրված հուշագիրը հիմք է հանդիսանում հետագա համագործակցության խորացման և նոր համատեղ նախագծերի իրականացման համար՝ ներառյալ ստեղծագործական փոխանակումներ, համատեղ հյուրախաղեր և փորձի փոխանակման ծրագրեր։
Ներկայացումը բեմադրել է Հակոբ
Ղազանչյանը: Ներկայացման մեջ ներգրավված են Թերեզա Մաթևոսյանը, Մարիամ Գրիգորյանը, Արսեն Գևորգյանը, Աննա Մովսեսյանը, Ալբերտ Ղազարյանը, Գևորգ Դավթյանը, Հայկ Մաթևոսյանը, Յանա Թևանյանը, Հովսեփ Նշանյանը, Տիգրան Նահապետյանը, Անգելինա Անտարյանը:
Ուզո՞ւմ եք տեսնել, թե ինչ է թաքնված հեռուստաշոուների փայլուն դիմակի տակ։
«Փրայմ Թայմ». շոու, որտեղ հեշտ հաղթանակներ չկան, իսկ յուրաքանչյուր որոշում կարող է փոխել ամեն ինչ։
Գլխավոր հերոսուհին՝ Աննան, մարտահրավեր է նետում մի աշխարհի, որտեղ օրենքները թելադրում են փողն ու կապերը։
Այս ներկայացման ընթացքում հանդիսատեսը պարզապես հանդիսատես չէ, այլ՝ այս պատմության մասնակիցն է։
Ամեն տեսարան լարվածության գագաթնակետ է, ամեն վայրկյան՝ անակնկալ։ Եվ այս ամենը՝ ուղեկցված կենդանի երաժշտությամբ, հզոր նվագախմբով ու տպավորիչ կատարումներով, որոնք յուրաքանչյուր պահ անմոռանալի կդարձնեն։ Իսկ ներկայացման վերջաբանն անհնար է կանխատեսել։
Հետևեք մեզ՝ այստեղ
