«Տեսնում են այգու դուռը բաց է, մտնում են՝ ուռում, խմում». Ինչի դեմ են պայքարում Հրաչյա Քոչար 27 ա շենքի բնակիչները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երևանի Հրաչյա Քորաչ 27 ա շենքի բնակիչները տևական ժամանակ բողոքում են, որ քաղաքապետարանը ցանկանում է հեռացնել մեկ տարի առաջ կառուցված խաղահրապարակի ցանկապատը։

«Մի անբարոյական եթե գալիս ա, տեսնում, որ դուռը փակ ա, թողնում գնում ա։ Իսկ երբ բաց ա, մտնում ա ներս, ուռում, խմում են, կանանց ներկայությամբ գետնին թքում են։ Էդ ամեն ինչը տեսել ենք»,–թաղապետարանի ներկայացուցչին դիմելով ասաց շենքի բնակիչներից մեկը։

Բնակիչներից մեկն էլ նշեց, որ որոշ ժամանակ առաջ քաղաքապետարանի աշխատակիցները խաղահրապարակի դռների փականներն էին ցանկանում հանել, հիմա էլ՝ դուռը։

«Զամոկները հանել են, հիմա էլ եկել ասում են՝ դռները հանենք։ Դռները գիշերը փակում ենք, որովհետև մեր երեխեքի վեշերը ներսն են։ Հիմա որ գիշերային ժամերին տեսնենք բիսեդկայում հավաքված են, ամեն գիշեր պիտի ոստիկանություն զանգե՞նք»,–ասաց բնակիչներից մեկը։

Շենքի բնակիչ Վահագն Ֆահրատյանը լրագրողների հետ զրույցում ասաց, որ բնակիչները տարիներ շարունակ պայքարում են, որ այգին ապահով տարածք դառնա երեխաների և ծերերի համար։

«Մենք պայքարել ենք թմրամիջոցների դեմ։ Այգում մանկահասակ երեխաներ են, մի բան որ գետնից գտնեն, պարզ է՝ բերանն են տանելու»,–ասաց նա։

Բնակիչը նշեց, որ այգու շինարարությունը սկսել են 2024 թվականի գարնանը և ծախսել են շուրջ 116 մլն դրամ։

Հետևեք մեզ՝ այստեղ