ՊԱՏՄՈՒԹՅԱՆ ԱՅՍ ՕՐԸ (12 ԱՊՐԻԼԻ). Առաջին թռիչքը տիեզերք, ԱՄՆ-ում քաղաքացիական պատերազմի սկիզբը, Կոստանդնուպոլսի գրավումը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Տիեզերագնացության և մարդու՝ դեպի տիեզերք առաջին թռիչքի օր, Լիբերիա՝ Ազատագրության ազգային օր:

ՀԱՅ – ՀԱՅԱՍՏԱՆ

1866 – ծնվել է գրող և հրապարակախոս Վրթանես Փափազյանը:

1877 – Ռուս– թուրքական պատերազմի ընթացքում Կովկասյան ռազմաճակատում ռուսական զորքերը հարձակման են անցել երեք ուղղությամբ՝ Ալեքսանդրապոլ– Կարս, Իգդիր– Բայազետ և Ախալցխա– Արդահան: Երևանյան ջոկատը, հայազգի գեներալ Արշակ Տեր– Ղուկասովի հրամանատարությամբ, գրավել է Բայազերտն ու Ալաշկերտը:

1913 – ծնվել է երգիչ Նար Հովհաննիսյանը։ 1920 – ծնվել է ինժեներ– քիմիկոս Կորյուն Խոդոյանը։

1994 – Ղարաբաղյան առաջին պատերազմի ժամանակ ադրբեջանական ինքնաթիռները կրկին ռմբակոծել են Ստեփանակերտը, որի արդյունքում զոհվել է երկու և վիրավորվել 38 անձ, ինքնաթիռներից մեկը խփվել է Չիլի գյուղի շրջակայքում։

2002 – «Զվարթնոց» օդանավակայանից դեպի Երևան տանող ճանապարհին հանդիսավորությամբ բացվել է Արգավանդի տրանսպորտային հանգույցը:

2002 – «Ա1+» անկախ հեռուստաընկերության աջակիցների և ընդդիմության ներկայացուցիչների բազմահազարանոց հանրահավաքի մասնակիցները, կարմիր քարտեր թափահարելով ու հակաիշխանական կարգախոսներ վանկարկելով, երթ են կազմակերպել դեպի նախագահական նստավայր:

2007 – Ստամբուլի դատարանը մեղադրանք է առաջադրել «Ակոս» թերթի խմբագրապետ Հրանտ Դինքի սպանության գործով 11 - րդ կասկածյալին:

2008 – կալանավորված պատգամավոր Սասուն Միքայել յանին ազատ արձակելու պահանջով Հրազդանի Վանատուր թաղամասում 19 օր հացադուլի մեջ գտնվող նախկին ազատամարտիկ Արշավիր Բոզինյանը որոշել է դադարեցնել հացադուլը:

2010 – Վաշինգտոնում կայացել է Հայաստանի նախագահ Սերժ Սարգսյանի հանդիպումը Թուրքիայի վարչապետ Ռեջեփ Թայիփ Էրդողանի հետ։

2011 – Ազգային ժողովը վավերացրել է «Հայաստանի տարածքում ռուսաստանյան ռազմակայանի մասին Հայաստանի և Ռուսաստանի միջև 1995 թվականին ստորագրված պայմանագրում փոփոխություններ կատարելու մասին» արձանագրությունը:

2016 – առաջին անգամ Հայաստան է ժամանել միանգամից 5 Նոբել յան մրցանակակիր, որոնք 3 օրվա ընթացքում հանդես են եկել բաց դասախոսություններով կենսաքիմիայի, ֆիզիկայի և բժշկագիտության թեմաներով:

2018 – «Մերժիր Սերժին» նախաձեռնության ակտիվիստները մոտ 40 րոպե փակ են պահել Մաշտոցի պողոտայի մի հատվածը:

2022 – ռուս խաղաղապահները, ենթադրաբար Հայաստանի ղեկավարության պահանջով, արգելել են հայ ընդդիմադիր պատգամավորների մուտքը Արցախ:

ԱՇԽԱՐՀ

240 – պարսիկ շահնշահ Արդաշիր Պապականը իր որդի Շապուհին նշանակել է երկրի համակառավարող:

1204 – Խաչակրաց արշավանքների ժամանակ խաչակիրները գրավել են Կոստանդնուպոլիսը։

1684 – վախճանվել է լարային գործիքների պատրաստման իտալացի հանրահռչակ վարպետ Նիկոլո Ամատին:

1774 – Սակմարս քաղաքի մոտ տեղի ունեցած ճակատամարտում գեներալ Գոլիցինի զորքերը ջախջախել են Պուգաչովի ապստամբ զորքին:

1815 – Մալայան կղզիներում գտնվող Տամբորա հրաբխի ժայթքումից զոհվել է մոտ 10 հազար մարդ, ևս 80 հազարը մահացել է ժայթքմանը հետևած ցունամիի և սովի պատճառով:

1839– ծնվել է Միջին Ասիայի հետազոտող, ռուս աշխարհագրագետ Նիկոլայ Պրժևալսկին:

1938 – վախճանվել է ռուս օպերային երգիչ Ֆյոդր Շալ յապինը:

1861 – նավահանգիստ Սամտերի ռմբակոծությամբ սկսվել է քաղաքացիական պատերազմը ԱՄՆ – ում:

1919 – կայացել է առաջին շաբաթօրյակը խորհրդային Ռուսաստանում:

1933 – ծնվել է իսպանական և կատալոնական օպերային երգչուհի Մոնսերրատ Կաբալյեն:

1943 – հիմնադրվել է ֆրանսիական «Նանտ» ֆուտբոլային ակումբը:

1945 – վախճանվել է ԱՄՆ 32 – րդ նախագահ Ֆրանկլին Դելանո Ռուզվելտը:

1951 – ԱՄՆ ռազմաօդային ուժերի 10 Բ – 29 ռմբակոծիչներ խփվել են Կորեայում խորհրդային ՄԻԳ – 15– ների կողմից: Այդ օրը ամերիկացիների համար համարվում է «սև չորեքշաբթի»:

1961– խորհրդային «Վոստոկ» տիեզերանավով Յուրի Գագարինը թռել է տիեզերք: Դա աշխարհում մարդու առաջին թռիչքն է տիեզերք:

2014 – սկսվել է հակամարտություն Սլավյանսկում, որը համարվում է Դոնբասյան պատերազմի առաջին ճակատամարտը:

2019 – Սուդանի նախագահ Օմար ալ Բաշիրը ձերբակալվել է։

2024 – վախճանվել է հագուստի իտալացի դիզայներ, Roberto Cavalli բրենդի հիմնադիր Ռոբերտո Կավալլին:

Մանրամասները՝ «Փաստ» օրաթերթի այսօրվա համարում