Արգենտինան 32 մլրդ դոլարի օգնություն կստանա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արգենտինայում տնտեսական ծանր իրավիճակի պատճառով միջազգային կազմակերպությունները հայտարարել են երկրին մինչեւ 32 մլրդ դոլարի օգնության փաթեթ տրամադրելու մասին։ Արժույթի միջազգային հիմնադրամը (ԱՄՀ) հայտարարել է, որ Արգենտինային կտրամադրի 20 մլրդ դոլար չորս տարվա ընթացքում, իսկ Համաշխարհային բանկը պատրաստակամություն է հայտնել տրամադրել եւս 12 մլրդ դոլար։

Բացի այդ, Միջամերիկյան զարգացման բանկը հայտնել է Արգենտինային երեք տարվա ընթացքում մինչեւ 10 մլրդ դոլար վճարելու պլանների մասին:

ԱՄՀ-ը հայտնել է, որ 12 մլրդ դոլարը անհապաղ կհատկացվի Արգենտինային:

Այդ օգնությունը տրամադրելու որոշումը կայացվել է «ի նշան երկրի տնտեսության կայունացման գործում տպավորիչ առաջընթացի»,  ասել է կազմակերպության ղեկավար Կրիստալինա Գեորգիեւան։ «Սա վստահության քվե է կառավարության վճռականության նկատմամբ՝ բարեփոխումներ իրականացնելու, աճը խթանելու եւ Արգենտինայի ժողովրդի կենսամակարդակի բարելավման հարցում»,- նշել է նա, տեղեկացրել է DW-ն։

Համաշխարհային բանկը նաեւ իր օգնության փաթեթն անվանել է «վստահության հզոր քվե տնտեսության կայունացման եւ արդիականացման կառավարության ջանքերի նկատմամբ»: 12 մլրդ դոլարից 1,5 մլրդ-ը անմիջապես կհատկացվի «մասնավոր ներդրողների ներգրավման համար»:

Հետևեք մեզ՝ այստեղ