Թեստ. Ընտրեք նկարը և ըստ դրա կարդացեք, թե ով եք դուք

Ընտրեք նկարը և ըստ դրա կարդացեք, թե ով եք դուք:

1. Դուք Փերի եք:

Նուրբ, նրբագեղ, գեղեցիկ: Դուք շատ բարի եք և ընդունակ եք իսկական հրաշքներ գործել: Ընդ որում, կարիք ունեք հոգատարության: Դուք չափազանց թույլ և փխրուն էակ եք, նույնիսկ անպաշտպան: Միշտ ձգտում եք բարուն, կարեկցանքի, խղճահարության, բայց Ձեր ուժերը չեն բավարարում պաշտպանել ինքներդ Ձեզ:

2. Դուք Տրոլ եք:

Անպահանջկոտ, մի քիչ դանդաղկոտ, սիրում եք հասարակ ֆիզիկական աշխատանք: Ձեզ կարող է կործանել չափի զգացողության բացակայությունը: Դուք վստահելի եք, մի քիչ պահպանողական, գերադասում եք միայնությունը: Ձեզ կարող են դնել անզգամ մարդու տեղ:

3. Դուք Ջրահարս եք:

Հմայել, գայթակղել, ծուղակը գցել` դա Ձերն է: Ինչպես ոչ այլ ոք, Դուք կարողանում եք գայթակղել, խելքահան անել: Բայց քչերն են ընդունակ ապրել Ձեզ համար հարազատ դարձած մթնոլորտում: Բացի դրանից, Դուք երբեք կանգ չեք առնի: Դուք կարողանում եք սիրել, բայց չափից շատ եք սիրահարվում:

4. Դուք Ուրվական եք:

Անկշիռ, թեթև, օդային: Ձեզ մոտ միշտ ինչ-որ միտք կա, սովորաբար՝ կպչուն, և ավելի հաճախ՝ միայն մեկը: Հենց դա է ստիպում Ձեզ գործել իրական կյանքում` զսպելով դեպի երևակայության աշխարհ լողալուն: Ոխակալ եք և հնարամիտ:

5. Դուք Պոլտերգեյստ եք:

Նախընտրում եք մնալ ստվերում, չեք ձգտում ճանաչման և փառքի: Բայց և հստակ հասկանալ եք տալիս, երբ ինչ-որ բանից դժգոհ եք: Կարող եք լինել շատ աղմկոտ և շատախոս:  Ձեզ տհաճ մարդկանց հետ նրբանկատ չեք, կոպտում եք նրանց, խանգարում եք ապրել:

6. Դուք Դարձորյակ եք (оборотень):

Ի՞նչը կարող է լինել ավելի լավ, քան հին, բարի որսը: Դուք սիրում եք բնություն, անտառ, և, եթե երկար ժամանակ այնտեղ չեք լինում, տառապում եք: Ձեզ պետք է մաքուր օդ և ազատություն: Կարողանում եք պահպանել նվիրվածություն: Բայց կատաղության նոպայի ժամանակ ունակ եք ջախջախել յուրաքանչյուրին:

7. Դուք Անտառի ոգի եք (леший):

Կենդանիները մարդկանցից ավելի լավն են, դրա համար էլ Ձեր խնդիրն է՝ պաշտպանել յուրաքանչյուր կենդանու մարդկային դաժանությունից: Նույնիսկ  յուրաքանչյուր բույս, ծառ կամ թուփ կարևոր են Ձեզ համար: Դուք մենակյաց եք, բայց չեք ճնշվում դրանից: Ձեր մեջ տականքություն չկա, բայց ավելի լավ է Ձեզ չնյարդայնացնել:

8. Դուք Զոմբի եք:

Հնարավոր է՝ Դուք ունեցել եք բռնակալ մա՞յր: Կամ Դուք սիրահարվա՞ծ եք: Մի բան ճշգրիտ է. Դուք հիմա ինչ-որ մեկի կամքի հնազանդ կամակատարն եք: Եվ դա հակասում է Ձեր սեփական ցանկություններին և մտադրություններին: Սովորեք ապրել այնպես, ինչպես Դուք եք ցանկանում:

9. Դուք Վիշապ եք:

Ձեր փոքրիկ թուլությունը` կիրքը ոսկու և թանկարժեք իրերի նկատմամբ, կարող է դառնալ մեծ դժբախտություն  Ձեզ շրջապատող մարդկանց համար: Դուք խելացի եք, անպահանջկոտ, կարող եք վառվել Ձեր սիրուց: Եվ կարող եք մոխրացնել, վերացնել այն ամենը, ինչը կառուցվել է դարերով:

10. Դուք Տան ոգի եք (домовой):

Դուք անդի աշխարհի ամենախաղաղասեր էակն եք: Բայց միայն այն ժամանակ, երբ Ձեզ լավ են վերաբերվում: Ավելի ճիշտ, նույնիսկ ոչ թե Ձեր, այլ տան նկատմամբ: Փնթի, տան վատ տիրուհիներին Դուք ուղղակի տանել չեք կարող: Այդպիսիներին կսկսեք վնասել, իրերը թաքցնել: Եվ Դուք հավանաբար պաշտում եք կատուներին:

11. Դուք Ջին եք:

Դուք կարող եք կատարել յուրաքանչյուր ցանկություն: Դուք հսկայական հնարավորություններ ունեք: Նրա համար, ում պատկանում է Ձեր սիրտը, կարող եք սարեր շուռ տալ և պալատներ կառուցել: Իսկ եթե սերն անհետանա, Դուք նույն թեթևությամբ կկործանեք ամեն ինչ և կխորտակեք Ձեր նախկին սիրեցյալին:

12. Դուք Սատանա եք:

Ձեր մեջ կենտրոնացած են ամենավատ արատները, և ոմանք Ձեզ համարում են չարիքի մարմնացում: Բայց Դուք, ինչպես ոչ մեկը, հասկանում եք մարդկային հոգեբանությունը և կարող եք բացատրել յուրաքանչյուր արարքի շարժառիթը: Դուք միշտ չէ, որ ղեկավարվում եք շահադիտական շարժառիթներով, ավելի շուտ Ձեզ հետաքրքրում է խաղը:

13. Դուք Վհուկ եք:

Ինչ-որ ժամանակ Դուք մարդ եք եղել, հիմա էլ Ձեր մեջ քիչ չէ մարդկայինը: Բայց Դուք բավականին թանկ եք վճարել ձեռք բերած իմաստության դիմաց: Ձեր ճակատագիրն է` սիրել նրանց, ովքեր ավելի թույլ են Ձեզանից, միշտ լինել առաջնորդ և պատասխանատվություն կրել:

14. Դուք Թզուկ եք:

Դուք շատ աշխատասեր եք: Ավելի ճիշտ, Դուք կարող եք չսիրել աշխատանքը, բայց առանց աշխատանքի չեք կարող: Ձեզ դյութում է աշխատանքի պրոցեսը, և Դուք խանդով եք վերաբերվում դրա արդյունքին: Դուք ունակ եք ավազի սարից ոսկու մի փշրանք գտնել, բայց հարստությունը, որպես այդպիսին, Ձեզ ուրախություն չի պարգևի:

15.Դուք Վամպիր եք:

Չեք սիրում արև և շոգ: Ունակ եք հիպնոսացնել մարդկանց և դեպի Ձեզ ձգել: Համարյա անմահ եք, բայց ոչ՝ անտարբեր: Կարող եք մի քիչ մեծամիտ լինել: Սիրահարվող եք, կրքոտ, թեպետ Ձեր կիրքը վտանգավոր է մարդկանց համար:

16. Դուք Հրեշտակ եք:

Դուք աշխարհի գրեթե բոլոր առաքինությունների մարմնացումն եք: Բարեպաշտ եք, գեղեցիկ և առաքինի: Բայց հենց դա է խանգարում Ձեզ գտնել հարմար զույգ: Դուք չափազանց բարձր պահանջներ ունեք մարդկանց նկատմամբ, թեպետ դա չի խանգարում Ձեզ լինել գթասիրտ: