ՊԱՏՄՈՒԹՅԱՆ ԱՅՍ ՕՐԸ (22 ԱՊՐԻԼԻ). Առաջին անգամ օգտագործվել է զանգվածային թունավորման զենք. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Բրազիլիա՝ Բրազիլիայի հայտնաբերման օր, Իսպանիա՝ Իզաբելա թագուհու օր, ԱՄՆ-ի Օկլահոմա նահանգ՝ Օկլահոմայի օր։

ՀԱՅ-ՀԱՅԱՍՏԱՆ

1904- թուրքական զորքերը գրավել են Գելիեգուզանը: Ինքնապաշտպանները 10 օր շարունակ անհավասար մարտեր են մղել՝ ապահովելով խաղաղ բնակչության նահանջը Մշո դաշտի հայկական գյուղեր:

1918–Օսմանյան կայսրության ճնշման տակ Անդրկովկասյան Դեմոկրատական Ֆեդերատիվ Հանրապետությունը հայտարարել է իր անկախությունը Ռուսաստանից։

1974 – ծնվել է ամերիկահայ բաս նվագող Շավո Օդաջյանը (System of a Down խումբ)։

1994– Հայաստանում սահմանվել է Հայաստանի ազգային հերոս բարձրագույն կոչումը, որին արժանացած անձինք պարգևատրվում են Հայրենիքի շքանշանով։

2005-տեղի է ունեցել իսպանացի գրող Գոնսալո Գուաշի «Հայկական տոհմածառ» պատմագեղարվեստական վեպի հայերեն թարգմանության շնորհանդեսը:

2005-Ուրուգվայի մայրաքաղաք Մոնտեվիդեոյում բացվել է նոր հրապարակ, որը կրում է «Հայ ժողովրդի ցեղասպանություն» անվանումը: Հրապարակը գտնվում է քաղաքի խոշոր առևտրական կենտրոնների թաղամասում, Հռոմի հանգուցյալ պապ Հովհաննես Պողոս Երկրորդի հուշարձանի դիմաց:

2006-ԱՄՆ-ի Կալիֆորնիայի նահանգապետ Արնոլդ Շվարցենեգերը ապրիլի 23-ից 29-ը հայտարարել է Հայոց ցեղասպանության զոհերի հիշատակի շաբաթ։

2015-Ավստրիայի խորհրդարանը ճանաչել և դատապարտել է Հայոց ցեղասպանությունը։

2018-տեղի է ունեցել Հայաստանի վարչապետ Սերժ Սարգսյանի և նրա հրաժարականը պահանջող ցուցարարներին առաջնորդող Նիկոլ Փաշինյանի հանդիպումը: Այն տևել է մի քանի րոպե, բանակցությունները տապալվել են: Նիկոլ Փաշինյանը ձերբակալվել է և տեղափոխվել ոստիկանության Սևանի բաժին։

ԱՇԽԱՐՀ

571 -ծնվել է արաբ միակրոնության քարոզիչ Մուհամեդը, որը հանդիսանում է իսլամի կենտրոնական դեմքերից մեկը։

835 -վախճանվել է ճապոնացի քարոզիչ, ճապոնիայում ամենահարգի սուրբ բուդդիստ Կուկայը։

1370 -սկսվել է Փարիզի Բաստիլի կառուցումը։

1500 -Պեդրու Ալվարեշ Կաբրալայի ղեկավարած պորտուգալական էսկադրան հայտնաբերել է ապագա Բրազիլիայի ափերը։

1509 -հոր մահից հետո Անգլիայի թագավոր է դարձել Հենրիխ 8-րդը։

1529 -Իսպանիան և Պորտուգալ իան կնքել են Սարագոսյան պայմանագիրը, համաձայն որի, արևմտյան կիսագունդը նրանց միջև բաժանվել է գծով, որը գտնվում է Մուլուկկյան կղզիներից 297,5 լիգ հեռավորությամբ։

1658 –ծնվել է իտալացի ջութակահար և կոմպոզիտոր Ջուզեպպե Տորելլին։

1707 –ծնվել է անգլիացի գրող և դրամատուրգ Հենրի Ֆիլդինգը։

1724– ծնվել է գերմանացի փիլիսոփա, գերմանական դասական փիլիսոփայության հիմնադիր Իմանուիլ Կանտը։

1737 - Քվեբեկում ստեղծվել է Կանադայում առաջին մետաղագործական վառարանը։

1838 - Նյու Յորք է ժամանել «Սիրիուս» մարդատար անիվային շոգենավը, որը առաջին նավն էր, որն անցել էր Ատլանտյան օվկիանոսը առանց առագաստներ օգտագործելու։

1850 –վախճանվել է էստոնացի բանասեր, գրող և ֆիզիկոս Ֆրիդրիխ Ռոբերտ Ֆելմանը։

1870– ծնվել է ռուս հեղափոխական գործիչ, բոլ շևիկ, Հոկտեմբերյան հեղափոխության ղեկավար Վլադիմիր Լենինը։

1889 -ԱՄՆ-ի նախագահ Բենջամին Հարրիսոնը թույլատրել է Օկլահոման բնակեցնել սպիտակ վերաբնակիչներով։

1899 –ծնվել է ռուս գրող Վլադիմիր Նաբոկովը։

1904 –ծնվել է ամերիկացի ֆիզիկոս, ատոմային ռումբի ստեղծող Ռոբերտ Օպենհեյմերը։

1915–Առաջին համաշխարհային պատերազմի ժամանակ Բելգիայի Իպր քաղաքում առաջին անգամ օգտագործվել է զանգվածային թունավորման զենք։

1937– ծնվել է ամերիկացի հանրահայտ դերասան Ջեք Նիկոլսոնը։

1941 -հիմք ընդունելով 1937 թվականի հետազոտությունները՝ Ա. Լյուլկան ներկայացրել է իր ստեղծած երկկոնտուրանի տուրբոռեակտիվ շարժիչը։

1943 -Ալբերտ Հոֆմանը կատարել է ԼՍԴ-ի հալ յուցինոգեն հատկությունների մասին առաջին հայտարարությունը։

1952 -35 միլիոն ամերիկացի դիտել է Նևադայում ատոմային ռումբի փորձարկման ուղիղ եթերը։

1964-Տանգանիկան և Զանզիբարը հայտարարել են իրենց միավորման և Տանզանիա պետության ստեղծման մասին։

1969-ԱՄՆ-ի Խյուստոնում կայացել է աչքի առաջին փոխպատվաստումը։

1992– Մեքսիկայի Գվադալահարա քաղաքում տեղի է ունեցել պայթյուն, որի հետևանքով զոհվել է 200-ից ավելի մարդ։

2005 -Չինաստանի Չունցին քաղաքի մերձակայքում քիմիական գործարանի պայթյունի հետևանքով փլվել է երեք շենք, զոհվել է 19 մարդ։

Մանրամասները՝ «Փաստ» օրաթերթի այսօրվա համարում