«Ցեղասպանությունը հանցագործություն է մարդկության դեմ․ Հայոց ցեղասպանությունը՝ դաժան իրողություն»․ Նազենի Հովհաննիսյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հաղորդավարուհի, դերասանուհի Նազենի Հովհաննիսյանը Հայոց ցեղասպանության զոհերի հուշահամալրից տեսանյութ է հրապարակել ու անդրադարձել Հայոց պատմության ամենասարփափելի իրողություններից մեկին։

«110 տարի անցավ. ի՞նչ հիշեցինք, ի՞նչ հասկացանք:

Ամենամեծ պատերազմը, որ մղվում է անդադար՝ մեր սեփական պատմության դեմ է, որն էլ տանուլ ենք տալիս հա:
Պարտվում ենք Երկրի ներսում, դրսում, թշնամուն և ինքներս մեզ:
Հաղթանակը Նախ ՀԻՇՈՂՈւԹՅՈւՆՆ Է՝ Պատմության, փաստերի,
հերոսական, թե սխալ ապրած կյանքի,
մեր պատումի, սայթաքումների, պրպտումների, կորուստների ու ձեռքբերումների մասին ՀԻՇՈՂՈւԹՅՈւՆԸ:

Ակտիվ ու պահանջատեր՝ ԳՈՐԾՈւՆ ՀԻՇՈՂՈւԹՅՈւՆԸ:
ՀԻՇՈՂՈւԹՅՈւՆԸ՝ հավաքական ու անհատական:
Հիշողությունը՝ հերոսական, թե ամոթալի էջերի:
Հիշողությունը, որն անգամ մահվան գետով՝ մեզ, ի վերջո, տարել է դեպի ԿՅԱՆՔ:

 

 

 

 

 

Посмотреть эту публикацию в Instagram

Публикация от Nazeni Hovhannisyan (@nazenihovhannisyan)

 

ՀԻՇԵՆՔ, որ հայոց ցեղասպանության զոհերը ՍՐԲԱԴԱՍՎԱԾ են. ԱՆՊԱՐՏ են, ուրեմն մենք պարտավոր ենք ԱՊՐԵԼ Հանուն ՀԱՅԱՍՏԱՆԻ ու ՀԱՅԿԱԿԱՆՈւԹՅԱՆ անմար գոյության, Հայոց շարունակականության, հանուն մեր կյանքի՝ անքակտ շղթայի, հանուն մեր ոգու աննկուն գոյության:

Խաղաղություն և հաշտությու՞ն
Հաշտությունը լինում է, երբ ՍԽԱԼԸ խոստովանվում է, Ճշմարտությունը հաստատվում, Պատմագրությունը՝ ամրագրում իրողությունը:

Աչքփակոցիով ու պատմական փաստերը խեղաթյուրելով՝ հաշտություն չի լինում, ոչ էլ խաղաղություն:
Թշնամին մնացել է, գործում է, շարունակում է...
Մե՞նք.............
Ի՞նչ ենք հիշում...

ՑԵՂԱՍՊԱՆՈւԹՅՈւՆԸ հանցագործություն է մարդկության դեմ:
Հայոց ցեղասպանությունը՝ ԴԱԺԱՆ իրողություն. Հայ ազգի լիակատար ոչնչացման՝ հատուկ, ծրագրված ու համակարգված գործողություն.
ՓԱՍՏ՝ ցավոտ, կեղեքող, ու չսպիացած, քանի դեռ չի ստացել հատուցումը՝ ՃՇՄԱՐՏՈւԹՅԱՆ ճանաչման միջոցով:

...չէ, ոչ մի հայ չի ուզում անդադար ցավ ապրել, բայց որևէ հայ իր պատմության ճանաչումն է ուզում»,-իր գրառման մեջ նշել է Նազենին։ 

Հետևեք մեզ՝ այստեղ