Ալոեն կազատի գլխամաշկի թեփից

Life.panorama.am-ը գրում է.

 

Մազերի թեփը գլխավոր խնդիրն է, որը տանջում է մեզ ցուրտ եղանակները սկսելուն պես։ Դրա պատճառները բազմաթիվ են. թույլ իմունիտետ, սանրվածք, որը չի թողնում, որ  մազերը շնչեն, ստրեսներ։ Այդ ամենը բերում է գլխամաշկի չորացման։  Առաջարկում ենք հրաշալի միջոց թեփի դեմ պայքարում։ Ալոե (հալվե), մեղր, քնջութի յուղ, խնձորի քացախ. մազերի գլխավոր օգնականները՝ մեկ խառնուրդում։

 

Բաղադրիչներ.

 

- Ալոեի տերևներ

- 7 ճաշի գդալ քնջութի յուղ

- 2 ճաշի գդալ մեղր

- 4 ճաշի գդալ խնձորի քացախ

- 20 ճաշի գդալ ջուր

 

1. Առաջին փուլի համար անհրաժեշտ են ալոեի խոշոր տերևներ։ Կտրեք ալեոի տերևները, առանձնացրեք դրա վրայի շերտը և փշերը, իսկ մաքրված միջուկը  քսեք գլխամաշկին և սպասեք 30 րոպե։

 

2. Խառնեք քնջութի յուղը մեղրի հետ և խառնուրդը քսեք մազերին արմատներից մինչև ծայր։ Մեղմորեն սանրեք մազերը։

 

3. Ցանկալի է խոնվեցնել մազերը ջրի մեջ բացած խնձորի քացախով։ Եվս 30 րոպե և լվացեք մազերը շամպունով։

 

Ի դեպ բոլոր համամասնությունները ներկայացված են երկար մազերի համար։

Թեփի պատճառ կարող է լինել նաև սնկային հիվանդությունը, բայց այն պահանջում է բոլորովին այլ լուծում։ Այս դեպքում մենք ուշադրություն էինք դարձրել մաշկի չորությանը։