Tiffany & Co.-ն նորից ընկղմվել է իր Blue Book 2025 հավաքածուի օվկիանոսում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Tiffany & Co.-ն նորից ընկղմվել է իր Blue Book 2025 հավաքածուի օվկիանոսում։ Մոտիվները եւ վարպետությունը ոգեշնչված են Շլյումբերժեից՝ ֆրանսիացի հանգուցյալ դիզայներից, որը Tiffany-ում աշխատել է 50-60-ականներին։ Եվ իհարկե, խոշոր քարերից, որոնք լրացնում են դիզայնը։

Հավաքածուի «մեխը», անկասկած, ալիքի գագաթի ադամանդներով մանյակն է՝ Մոզամբիկի կուպրիան-էլբաիթ սառցե կապույտ եւ ծովի կանաչ տուրմալիններով։

Կա նաեւ մատանի հազվադեպ Paraìba տուրմալինային կուպրիան-էլբաիթով։ Հանքը Բրազիլիայում բացվել է ընդամեը երեք տարի առաջ, ինչն այդ քարերը հատկապես հազվադեպ է դարձնում։

Մի քանի շքեղ իրեր՝ ծովաստղի ձեւով, ունեն մոզամբիկյան սուտակ՝ որպես կենտրոնական տարր։ Քարերը 100 տոկոսով բնական են, առանց ջերմային մշակման։

Կան նաեւ հսկայական ցնցող ադամանդներ։ Օրինակ, D-գույնի ադամանդը՝ ավելի քան 16 կարատ քաշով, դրվել է պարանի նմանվող շրջանակի գագաթին՝ ընդգծված ավելի փոքր ադամանդներով, իրը 3,5 մլն դոլար արժե։
Կամ, օրինակ, Urchin մանյակը 18 կարատանի դեղին ոսկուց եւ պլատինից, 18 կարատանի ինտենսիվ դեղին ադամանդներով, շրջանակված ավելի փոքր դեղին եւ սպիտակ ադամանդներով, կամ համապատասխան մատանին ինտենսիվ դեղին ադամանդներով (ավելի քան 18 կարատ)։

Եվս մեկ բլոկբաստեր կարեւոր խորհրդանշական քաշ ունի։ Դեղին ադամանդներով մանյակը շրջանակված է մինչեւ 18,37 կարատով՝ ի պատիվ 1837թ. Tiffany-ի հիմնադրման։ Սա առաջին ադամանդներից մեկն է, որը հղկվել է Tiffany-ի 188-ամյա պատմության ընթացքում, ճիշտ հիմնադրման տարում։

Հետևեք մեզ՝ այստեղ