Ադապտիվ հոկեյի միջազգային փառատոնին առաջին անգամ մասնակցել է Հայաստանի Պարա հոկեյի հայկական ֆեդերացիայի հավաքականը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ապրիլի 25-30-ը ՌԴ Սոչի քաղաքի «Սիրիուս» դաշնային տարածքում տեղի ունեցավ ադապտիվ հոկեյի միջազգային փառատոնը, որտեղ Հայաստանը ներկայացավ Պարա հոկեյի հայկական ֆեդերացիայի թիմով:

Ամփոփենք արդյունքները.

Ապրիլի 27-ին «Сахалинские львата» թիմի հետ տեղի ունեցած հանդիպման ժամանակ, չնայած մեր հավաքականը պարտություն կրեց 3:1 հաշվով, բայց հանդիպման լավագույն խաղացող ճանաչվեց հայկական ֆեդերացիայի թիմի ավագ, դարպասապահ Կարեն Գյուլամիրյանը: Նախորդ հանդիպմանը լավագույն խաղացող էր դարձել 7 համարը ներկայացնող Սմբատ Կարապետյանը:

Ապրիլի 28-ին Հայաստանի հավաքականը մրցեց «Северный ветер» հավաքականի հետ՝ գրանցելով հաղթանակ՝ 4:0 հաշվով: Հանդիպման լավագույն խաղացող է ճանաչվել Հայաստանի հավաքականի 9 համարը ներկայացնող Արման Սարգսյանը:

Նշենք, որ, Հայաստանի հավաքականն առաջին անգամ մասնակցելով այս առաջնությանը, զբաղեցրեց 9-րդ հորիզոնականը: Հայաստանի հավաքականը կազմված է 13 մարզիկից, որոնք բոլորն էլ ունեն տարբեր կարգի հաշմանդամություն: Մրցույթին մասնակցել է 100 թիմ: Փառատոնի «Լավագույն խաղացող» կոչումը շնորհվեց Սմբատ Կարապետյանին:

Փառատոնի ողջ ընթացում մեր մարզիկներին ուղեկցում և աջակցում էին «Համահայկական ճակատ» շարժման անդամները: Փաառտոնի կազմակերպիչները շնորհավորեցին մեր հավաքականի խաղացողներին՝ մաղթելով նրանց հաջողություններ ու հաղթանակներ:

Հետևեք մեզ՝ այստեղ