Հեռախոսը լեռներում կորցրած ուսանողին չորս օրում երկու անգամ փրկել են

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Չինացի ուսանողին, որին անցյալ շաբաթ ուղղաթիռով տեղափոխել էին Ճապոնիայի Ֆուձիյամա լեռից, ստիպված են եղել երկրորդ անգամ փրկել ընդամենը չորս օր անց, գրում է Sky News-ը՝ վկայակոչելով տեղական իշխանություններին։

Ապրիլի 22-ին 27-ամյա լեռնագնացը շտապօգնություն է կանչել՝ Ֆուձինոմիա քաղաքի՝ ծովի մակարդակից մոտ 3000 մետր բարձրության վրա գտնվող լեռնային արահետում լեռնային հիվանդությունով հիվանդանալուց հետո։

Ներկայում ոչ սեզոնային շրջանն է, երբ պաշտոնյաները մարդկանց կոչ են անում տեղյակ լինել գագաթնակետին տիրող աներևակայելի դաժան պայմաններին։ Սակայն չորս օր անց ոստիկանությունը հայտնել է, որ լեռ հասնելու ևս մեկ օգնության կանչ են ստացել, երբ ուսանողը, որի անունը չի հրապարակվում, իր կորցրած հեռախոսն ու այլ իրերը գտելու հույսով վերադարձել է այնտեղ։

Պատմում են, որ նրան այնտեղ գտել է մեկ այլ լեռնագնաց. ուսանողը չի կարողացել շարժվել, ըստ երևույթին, նրա՝ մի քանի օր առաջ ձեռք բերած լեռնային հիվանդությունը կրկին սաստկացել է։

Սիձուոկի ոստիկանությունը բոլոր լեռնագնացներին կոչ է արել զգույշ լինել՝ նշելով, որ լեռանը նույնիսկ գարնանը ձյունապատ է, օդի ջերմաստիճանը շատ ցածր է։ Լեռան արշավային արահետները պաշտոնապես բացվում են միայն հուլիսից մինչև սեպտեմբերի սկիզբը, սակայն ոչ սեզոնային շրջանում արշավների վրա արգելք չկա։

Տեղական իշխանությունները անցյալ տարի ամենատարածված երթուղով մասնակիցների թվի վրա մուտքի վճարներ և սահմանափակումներ էին մտցրել, և նշել, որ այս տարի նմանատիպ կանոններ կներդնեն նաև այլ հիմնական երթուղիներում, մինչդեռ միջսեզոնային շրջանում և լեռնադահուկային լանջերից դուրս բարձրանալը անվճար կլինի։

Հետևեք մեզ՝ այստեղ