Ինչպես ճիշտ չորացնել մազերը

Անկախ այն հանգամանքից, թե որքան հաճախ եք տանը ինքներդ վարսահարդարիչով հարդարում Ձեր մազերը, հաստատ նկատած կլինեք, որ արդյունքում երբեք չեք ստանում այն սանրվածքը, որը ստացվում է գեղեցկության սրահ գնալուց հետո։ Առաջին հայացքից Դուք ամեն ինչ անում եք հենց այնպես, ինչպես Ձեր վարսահարդարը՝ օգտագործում եք մազերի խնամքի որակյալ միջոցներ, որակյալ վարսահարդարիչ, սանր և այլն, բայց գրեթե միշտ դժգոհ եք լինում արդյունքից։

Յուրաքանչյուր աղջիկ ցանկանում է անթերի տեսք ունենալ ամեն օր, այլ ոչ թե միայն գեղեցկության սրահից դուրս գալուց։ Շատերը հաճախ մազերն ամրապնդելու և ուժ տալու համար օգտագործում են դիմակներ, բալզամներ և միայն առողջ սնունդ։ Բայց այս ամենն անիմաստ է դառնում, երբ չորացնում եք Ձեր մազերը սխալ։ Օրինակ՝

Պահում եք վարսահարդարիչը և սանրը սխալ անկյան տակ

Թվում է, թե ինչ դժվար բան կարող է լինել մազերը օդի տաք հոսանքով չորացնելու մեջ։ Իհարկե, եթե Ձեր նպատակը քաոսային սանրվածք ստանալն է և չի հետաքրքրում, արդյոք կայրվեն մազերը, թե ոչ, ապա կարող եք վարսահարդարիչը պահել ցանկացած կերպ և անիմաստ այս ու այն կողմ տանել։ Բայց եթե ցանկանում եք վարսերը չվնասելով ստանալ ինչ֊որ մի սանրվածք, ապա հարկավոր է սկսել մազերի արմատներից և օդի տաք հոսանքը պահել մազերի աճի ուղղությամբ։ Մազերի արմատներ ավելի դժվար են չորանում, քան ծայրերը, և եթե սկսեք չորացնել ծայրերից, ապա վերջում կարող եք դրանք ուղղակի այրել։

Ընտրում եք սխալ ջերմային ռեժիմ

Վարսահարդարիչի տաքացման ջերմաստիճանն ընտրելուց եղեք ուշադիր և մի պահեք այն մի կետի վրա 3 վայրկյանից ավել։ Չի՛ կարելի վարսերը չորացնել շատ տաք օդի հոսանքով։ Կարող եք ուղղակի վարսահարդարիչը պահել Ձեր ձեռքին, և եթե այն այրելու աստիճան տաք լինի, ապա անհապաղ իջեցրեք ջերմաստիճանը։ Դուք սխալվում եք, եթե կարծում եք, որ մազերի կառուցվածքն ավելի ջերմակայուն է, քան մաշկինը, ուղղակի դրանց մեջ բացակայում են նյարդային հանգույցները և դուք այրվածքի ցավը չեք զգում։ Շատերի մոտ հարց է առաջանում, թե ինչի համար է օդի հոսանքը սառեցնող կոճակը։ Այն օգնում է ամուր փակել մազերի կուտիկուլաները, հաղորդում է դրանց փայլ և ֆիքսում է սանրվածքը։ Մի անտեսեք այս կոճակը։

Չեք օգտվում մազերը պաշտպանող միջոցներից

Վարսահարդարիչը, անգամ արհեստավարժ մասնագետների ձեռքերում, միևնույն է, ժամանակի ընթացքում չափից դուրս չորացնում է մեր մազերը, և վերջինները սկսում են կոտրվել ու թափվել։ Վնասված մազերը շատ դժվար է կամ անգամ անհնար է վերականգնել։ Դրա համար արժե հենց սկզբից չթողնել, որպեսզի դրանք վնասվեն։ Կան բազմաթիվ լոսյոններ, շիճուկներ ու սփրեյներ, որոնք պաշտպանում են մազերը գերտաքացումից և վնասվելուց։

Օգտագործում եք սխալ սանր

Ամենամեծ սխալը, դա մետաղական սանրերի օգտագործումն է։ Դրանք շատ շուտ տաքանում են և այրում մազերը։ Իդեալական սանրը բաղկացած է հավասար քանակությամբ բնական և սինթետիկ բաղադրիչներից։ Բայց եթե Ձեր մազերը յուղոտ են, ապա ցանկալի է օգտագործել միայն բնական բաղադրիչներից բաղկացած սանրեր, որովհետև դրանք յուղն ինչ֊որ չափ ներծծելու հատկություն ունեն։